Negosiante modo iha Covalima kada loron hetan rendimentu $20
COVALIMA 06 agusto 2022 (TATOLI) – Negosiante Iolenta Pires durante ne’e halo negósiu fa’an modo iha merkadu Debos kada loron hetan de’it rendimentu $20 tanba ema la sosa modo.
Negosiante Iolenta Pires, hosi postu administrativu Fatumea ne’ebé nia rezidente iha Salele tanba de’it buka moris liuhosi fila-liman hanesan fa’an modo tahan durante tinan lima ona nune’e selu oan ba eskola no sustente nesesidade uma-laran.
“loron di’ak ami bele hetan osan to’o $20, bainhira iha loron sábadu hanesan ohin ne’e ami la hetan osan tanba ema la sosa ami-nia modo tahan,” negosiante Iolenta Pires, ko’ali iha merkadu Debos, Covalima, sábadu ne’e.
Iolenta Pires Fatumea, durante tinan lima ona la fila ba Fatumea tanba de’it atu selu oan-sira nia eskola no sustenta nesesidade uma-laran
“Ami hela iha-ne’e la iha difikuldade no toba fatin seguru ba ami, ita fila liman nia toba fatin mak hanesan ne’e ona, maibé ami hakarak hato’o ba nasional bele haree netik fatin ba ami tanba fatin ladún di’ak,” nia rekomenda.
Razaun Negosiante ne’e husu ba governu atu hadi’a fatin ba sira, tanba merkadu Suai bainhira tempu udan la seguru tanba bokon nune’e dilefisil sira atu toba no atu fa’an modo maibé iha tinan 2021 ne’e sira rasik kalen nune’e sira sente di’ak uitoan ona no dada rasik eletrisidade
Jornalista:Celestina Teles
Editór: Evaristo Soares Martins
