OÉ-CUSSE, 08 agostu 2022 (TATOLI) – Autoridade Rejiaun Administrativa Espesial Oé-Cusse Ambenu (RAEOA), prevee $328,500.00 hosi Orsamentu Jerál Estadu (OJE) 2021 sosa karreta hitu no motorizada 11 ba Sekretariu Rejonál neen, hodi fasilita serbisu administrasaun públika iha rejiaun ne’e.
Sekretária Rejionál ba Asuntu Finansa, Maria Eliza Maniquin, informa, karreta hitu ho tipu toyota hilux, karreta funeráriu no ambulànsia multi-funsaun ho valór rihun $292,500.00 no ba motorizada unidade 11 ho valór rihun $36.
Nune’e ba karreta Toyota hilux distribui ba Sekretária Rejionál ba Asuntu Finansa, Sekretária Rejionál ba Asuntu Komérsiu no Indústria, Sekretáriu Rejionál ba Asuntu Terra Propriedade, Sekretáriu Rejionál ba Asuntu Administrasaun, no ambulánsia multi-fansaun ba Sekretáriu Rejionál ba Asuntu Saúde.
Nune’e mós ba karreta toyota hilux ida no karreta funeráriu distribui ba Sekretária Rejionál ba Asuntu Edukasaun Solidariedade Sosiál, kona-ba motorizada sira distribui ba Gabinete Prezidente Autoridade.
“Tuir loloos fornese iha 2021 maibé situasaun COVID-19, entaun tinan ida-ne’e mak foin empreza fornese, tanba nia orsamentu ita aloka kedas iha 2021,” Eliza Maniquin, informa ba Agência Tatoli, iha Oé-Cusse, segunda ne’e.
Prezidente Autoridade RAEOA, Arsénio Paixão Bano, esplika, objetivu kompra veíkulu Estadu la signifíka katak tinan ida RAEOA kompra beibeik, maibé uza veíkulu hirak-ne’e atu hadi’a prestasaun serbisu iha Oé-Cusse.
“Ida-ne’e ho intesaun atu fasilita serbisu tomak iha Oé-Cusse, tanba veíkulu sira-ne’e bele kompleta tán fasilidade sira, liuliu ba apoiu movimentu no administrativu sira,” nia katak.
Nu’udar autoridade másima apela ba Sekretáriu Rejionál sira atu uza fasilidade Estadu sira-ne’e didi’ak, no tenke uza karreta sira hodi fó rezultadu serbisu di’ak, tanba obra barak autoridade konstrui iha sub-rejiaun haat kobre to’o área remota, entaun presiza fasilidade hirak-ne’e.
Entretantu, empreza fornesedór ba veíkulu Estadu hirak-ne’e hosi empreza Losla, Unipesoál Lda,
Jornalista : Abílio Elo Nini
Editór : Evaristo Soares Martins
