EKONOMIA, HEADLINE, MUNISÍPIU, VIQUEQUE

Administrasaun munisípiu Viqueque ezekuta ona 46,81% hosi OJE 2022

Administrasaun munisípiu Viqueque ezekuta ona 46,81% hosi OJE 2022

Osan dolar Amérika. Imajen/Espesiál

VIQUEQUE, 09 agostu 2022 (TATOLI)—Administrasaun munisípiu Viqueque ezekuta ona 46,81% hosi Orsamentu Jerál Estadu (OJE) 2022 iha trimestrál daruak.

“Relatóriu ezekusaun orsamentu iha munisípiu Viqueque ha’u aprezenta iha Ministériu Administrasaun Estatál iha loron 19  jullu 2022. Orsamentu aloka mai munisípiu hodi sustenta projetu sira ne’ebé implementa ona iha munisípiu Viqueque  hanesan morru hala’o edifísiu munisípiu atinje ona 72% no jardín 1959 atinje ona 90%,” Administradór munisípiu Viqueque, Januário Soares ‘Bolly’, informa ba Agência Tatoli, iha ninia knaar fatin, administrasaun munisipál, tersa ne’e.

Nune’e, totál alokasaun annuál hamutuk $4.611.362,04, totál gastu atuál $1.833.488,65, obrigasaun $149.955,50, totál  kompromisu $175.268 reprezenta 3,80%, totál balansu $2.452.649,89 reprezenta 53,19%, ne’ebé hosi ezekusaun orsamentu iha trimestre daruak munisípiu Viqueque atinje 46,81%

Notísia relevante: Munisípiu Viqueque ezekuta ona OJE 2022 ho pursentu 14

Maski nune’e, empreza rua ne’ebé toma-konta ba obra rua seidauk halo pedidu pagamentu.

“Karik pedidu pagamentu maka  halo ona karik, oras-ne’e persentajen ezekusaun orsamentu  bele dehan 50% resin ona, nune’e mós orsamentu mão de obra tama foun tan, ho nune’e ninia persentajen redús fali tan  ba  46%. Tuir loloos ezekusaun  persentaje atinje 50%, signifika ita tama ona trimestrál datoluk, lójika orsamentu tenke atinje 50% iha munisípiu Viqueque,” nia akresenta.

Tuir dadus ezekusaun hosi munisípiu Viqueque, kategoria ezekusaun OJE ba alokasaun anuál $1.526.367, gastu atuál $613.338,04 reprezenta 49,1% ho balansu $913.028,96.

Bens no servisu alokasaun annuál $710.910, gastu atuál $174.735.84, obrigasaun $109.955,50, kompromisu $139.713 reprezenta 40,05% ho balansu $286.505,66, ba pagamentu lokál, pagamentu saláriu kazuál, pagamentu semináriu no workshop, pagamnetu despeza operasionál ba sentru saúde Q1, rúbrika ne’ebé iha aprozionamentu iha kompromisu.

Kapitál menór alokasaun annuál $811.770, gastu atuál $0, obrigasaun 40.000, kompromisu $35.555 reprezenta 49%, balansu $6.215, kapitál menór iha prosesu, kapitál dezenvolvimentu alokasaun annuál $258.568, gastu atuál $119.210,77, obrigasau $0, kompromisu $0 reprezenta 46%, balansu $139.357,23, kapital dezenvolvimentu iha prosesu pagamentu.

Tranferénsia públiku alokasaun annuál $2.033.204, gasta atuál $926.204 reprezenta 45,54%, $1.107.543,04 ba pagamentu subsídiu fixo no operasional suku Q1, Q2 pagamentu 50%, programa merenda eskolár faze I no faze II transfere hotu ona no programa mão de obra postu administrativu (PMOPA) seidauk transfere ba konta kada postu administrativu ida-idak nian konta.

“Programa merenda eskolár munisípiu Viqueque daudaun implementa ona durante loron-91, maibé ha’u mós hasoru difikuldade sira hosi implementadór merenda eskolár sira katak troka materiál sira ne’ebé uza ba merenda eskolár tanba materiál sira ne’e kleur ona nune’e sei haree ba tinan 2023. Difikuldade  seluk ne’ebé implementadór programa merenda eskolár orsamentu kiik tanba eskola balun bee dook, maibé iha eskola balun ne’ebé implementa programa merenda eskolár ladun iha problema,” nia tenik.

Jornalista  : Vitorino Lopes da Costa

Editora       : Julia Chatarina

iklan
iklan

Leave a Reply

iklan
error: Content is protected !!