DILI, HEADLINE, JUSTISA, NASIONÁL

CAC sosializa lei MPCC ba Kargu Xefia iha MAPKOMS

CAC sosializa lei MPCC ba Kargu Xefia iha MAPKOMS

CAC sosializa lei númeru 7/2022 kona-ba Medida Prevensaun no Kombate Korrupsaun ba Kargu Xefia iha MAPKOMS. Imajen/espesiál

DILI, 11 agostu 2022 (TATOLI) – Komisaun Antí-Korrupsaun (CAC, sigla portugés), kinta ne’e, halo sosializaun lei númeru 7/2020 kona-ba Medida Prevensaun no Kombate Korrupsaun (MPCC,sigla Protugés) ba kargu Xefia sira iha Ministériu Asuntu Parlamentár no Komunikasaun Sosiál.

Objetivu halo diseminasaun informasaun relasiona rejime Deklarasaun Rendimentu Bens Interese ba funsionáriu no kargu xefia MAPKOMS ninian, hodi nune’e kargu xefia sira ho ninia membru agregadu familiár sira bele rejista deklarasaun ba riku.

Notísia relevante:  CAC disemina rejime deklarasaun rikusoin ba Kargu Xefia Agência TATOLI, I.P

Ho nune’e, Komisáriu CAC, Sérgio de Jesus Costa Hornai, agradese no orgullu ba inisiativa Ministru Asuntu Parlamentar no Komunikasaun Sosiál Francisco Jeronímo, ne’ebé konvida ekipa responsável ne’ebé toma konta ba Deklarasaun Rendimentu Bens Interese (DRBI), sosializa lei MPCC ba funsionáriu no kargu Xefia sira iha MAPKOMS ho instituisaun tutela sira.

“Tanba lei ida ne’e mai atu tulun hasa’e tan ita nia integridade katak sosiedade sira iha direitu atu halo espresaun, maibé tenke respeitu personalidade ka dignidade ajente funsionáriu públiku sira nian tanba ita presta konta ita nian anualmente atu hala’o servisu ho loloos,” Komisáriu CAC ne’e hateten iha intervensaun ámbitu sosializasaun iha KAK Sergio Hornai iha nia intervensaun iha ambitu sosializasaun ne’e.

Iha lejizlasaun ne’e fó biban ba CAC atu kontrola kargu xefia no Diretór sira atu labele komete korrupsaun ruma durante mandate iha institusaun Estadu sira.

Tanba, Komisáriu CAC ne’e dehan korrupsaun la’ós ema aileba sira mak halo, maibé sira ne’ebé tau assume pozisaun ka kargu ruma iha institusaun Estadu mak bele halo prátika korrupsaun liuhosi buka meiu hotu atu gaña nia intrese pesoál, hanesan abuzu poder, bele halo subornu, bele halo partisipasaun ekonomia.

“Sosializasaun lei ne’e la’ós atu hanorin malu, maibé kumpre orientasaun hosi Ministru MAPKOMS atu halo artikulasaun hodi fó fila responsabilidade ba Diretór no kargu xefia sira hotu ho misaun ida klaru ne’ebé nakonu ho responsabilidade ba implementasaun lei medida sira ba kombate korrupsaun,” nia akresenta.

Iha biban hanesan, Ministru Asuntu Parlamentar no Komunikasaun Sosiál, Francisco da Costa Pereira Jerónimo, hateten presiza tebes kargu Diretór no funsionáriu hotu atu hetan esplikasaun hosi CAC kona-bá lei MPCC.

“Ita iha MAPKOMS kargu Diretór no kargu xefia no seluk tan ba deklara ona rikusoin iha KAK atu sira bele akompaña rikusoin hira mak ita iha. Nune’e ita halo sosializasaun ida ne’e atu prevene di’ak ba prátika korrupsaun,” Ministru afirma.

Tanba ne’e, Governante ne’e husu ba Diretór no funsionáriu hotu ne’ebé iha kompeténsia tenke brani atu foti desizaun ho responsabilidade tuir lei haruka.

“Governasaun ida ne’ebé trasparante, Governasaun ida ne’ebé mak ema hotu presiza atu fó sai informasaun tenke fó sai buat ne’ebé loos tenke dehan loos no sala tenke dehan sala, ida ne’e mak diresaun sira tenke intende didiak lei MPCC.

Hafoin Lei Medida Prevensaun no Kombate Korrupsaun (MPCC, sigla portugés) ho artigu hamutuk 117, tama ein vigór no kompleta ona loron 180, iha loron 22 fevereiru 2021, maka ekipa hosi CAC hahú halo diseminasaun ba ajente públiku, liuliu kargu xefia sira.

Lei MPCC iha artigu 29 to’o 30 ne’e fó obrigatóriu ba iha ajente públiku sira ne’ebé kaer hela kargu polítiku no kargu xefia iha funsaun públika iha instituisaun Estadu, diretór nasionál to’o mai xefe departamentu iha obrigasaun atubele  aprezenta sira-nia deklarasaun bens no interese.

Funsionáriu Estadu ne’ebé asume kargu xefia sei deklara sira-nia rikusoin inklui sira-nia família ba CAC bainhira lei ne’e hahú implementa.

Iha kapítulu II Rejime Deklarasaun Bens no Interese, artigu 28 obriga kualkér sidadaun ne’ebé asume karu públiku tenke deklara rikusoin.

Natureza hosi artigu ne’e ko’alia kona-ba ema sira ne’ebé atu halo deklarasaun, hanesan sira ne’e asume kargu polítika, deskrisaun ne’e mai to’o xefe departamentu no funsionáriu sira ne’ebé la’ós okupa kargu xefia, maibé pertense ba área sira konsidera altu risku ba korrupsaun.

Nune’e mós, ba funsionáriu sira ne’ebé iha área serbisu hanesan impostu, aprovizionamentu ba kontratu públiku, jestaun rai ho inspesaun tenke halo deklarasaun.

Notísia relevante: CAC halo adverténsia ba kargu xefia 300 relasiona deklarasaun rikusoin

Jornalista: Hortencio Sanchez

Editór        : Florencio Miranda Ximenes

iklan
iklan

Leave a Reply

iklan
error: Content is protected !!