DILI, EDUKASAUN, HEADLINE, NASIONÁL, POLÍTIKA

Kandidatu bolsa estudu na’in-25 hahú teste saúde-fíziku bá POLTEKBANG Surabaya

Kandidatu bolsa estudu na’in-25 hahú teste saúde-fíziku bá POLTEKBANG Surabaya

Estudante sira tuir teste eskrita hodi kopente ba bolsa estudu Politeknik Penerbangan Surabaya, iha Kebudaayaan Indonézia, sabadu (13/08). Imajen Tatoli/Francisco Sony

DILI, 14 agostu 2022 (TATOLI) – Ekipa juri hosi Politeknik Penerbanga (POLTEKBANG) Surabaya, domingu ne’e, fó ona teste saúde ba kandidatu bolsa estudu na’in-25 tanba sira hatudu ona rezultadu di’ak iha teste eskrita no orál ne’ebé realiza iha Pusat kebudayaan Indonézia Mascarinha-Dili, sábadu (13/08).

Kandidatu bolsa estudu na’in-29 mak tuir teste eskrita no oral, maibé kandidatu na’in -25, kompostu feto 12 no mane 13 mak liu ona ba faze teste saúde no fíziku.

Notísia relevante: Kandidatu na’in-haat la tuir teste bolsa estudu ba POLTEKBANG Surabaya

Nune’e, Prezidente Konsellu Administrasaun Aeroportu no Navegasaun Aérea Timor-Leste (ANATL), José Trindade da Cruz Pinto, hateten prosesu teste saúde ba kandidatu na’in 25 ne’e hala’o iha domingu ne’e. Ho mekanizmu teste saúde ne’e sei tuir faze ho kada kandidatu ida sei hetan minutu 10.

Prezidente Konsellu Admistrasaun ANATL,E.P, José Trindade da Cruz Pinto. Imajen Tatoli/Francisco Sony.

“teste ida ne’e laiha manipulasaun, maibé transparánsia ka nakloke tebes. Rezultadu ne’ebé kandidatu sira hatudu iha teste ne’e fó sai kedan iha loron ne’e. tanba Polítiknika Penerbangan Surabaya presiza estudante ne’ebé iha duni kualidade.  Nune’e Juris sira hakarak fó sai rezultadu lalais atu labele iha intervensaun,” Prezidente ANATL ne’e hateten iha Maskarinhas-Dili, Domingu ne’e.

“Ba kandidatu sira ne’ebé mak la pasa iha teste eskrita no oral husu atu labele laran laran susar. Labele hanoin katak imi nu’udar kandidatu ida ne’ebé mak hetan valór la di’ak. Maibé tenke hanoin katak ne’e selesaun hakarak ka lakohi juri sira tenke deside. Ne’e duni sei iha oportunidade tuir mai bele kontinua tuir nafatin,” resposavél ne’e enkoraja.

Iha biban hanesan, Reprezentate ekipa juri hosi Políteknika Penerbangan Surabaya, Sub Koordenadór Taruna no Alumni, Hery Fitrianto hato’o ninia agradesimentu ba kandidatu sira tanba mai tuir ona teste eskrita no oral pur faze ne’ebé maka realiza hosi Konsellu Administrasaun Aeroportu no Navegasaun Aérea Timor-Leste (KA-ANATL).

Sub Koordinator Ketarunaan dan Alumni, Hary Fitrianto. Imajen Tatoli/Francisco Sony

“Ita halo ona teste poténsia akadémiku liuhosi eskrita no orál ba kandidatu sira atu hatene sira nia potensialidade atu partisipa iha prosesu ensinu aprendizajen iha POLTEKBANG Surabaya,” nia agradese.

Hery Fitrianto haktuir teste eskrita ne’e hala’o ba kandidatu na’in-29 ho matéria Inglés no kandidatu sira kuaze prense hotu pergunta sira ne’ebé maka ekipa juri sira prepara. Rezultadu hosi teste eskrita konsege rekolla hotu no kontinua ba parte lokraik ho teste oral ninia rezultadu mós rekolla hotu

Nia esplika katak objetivu hosi hosi teste entrevista ka oral ne’e atu motiva kandidatu sira inklui atu hatene kandidatu ida-idak ninia kapasidade, sira nia potensialidade oinsá bele ko’alia. Tanba estudante sira bainhira ba eskola iha POLTEKBANG sei hasoru estudante barak hosi fatin-fatin iha Indonézia.

“Ita nia intensaun hosi prosesu entrevista ho kandidatu sira ne’e hakarak rona sira atu ko’alia barak, ita hakarak sira bele fahe sira nia esperiénsia, atu ita bele hatene sira nia kapasidade no potensial. tanba kandidatu sira ne’e nu’udar jerasaun foun ne’ebé sei lori ANATL ba futuru ida di’ak liu,” nia afirma.

Jornalista: Tomé Amado

Editór        : Florencio Miranda Ximenes

iklan
iklan

Leave a Reply

iklan
error: Content is protected !!