COVALIMA, POLÍTIKA

Veteranu Covalima kontribui $155 hodi sukat no suku uniforme

Veteranu Covalima kontribui $155 hodi sukat no suku uniforme

Prezidente Konsellu Veteranu Covalima, Osório Soares “Mausoko”. Imajen Tatoli/Celestina Teles.

COVALIMA, 15 agostu 2022 (TATOLI)–Prezidente Konsellu Kombatente Libertasaun Nasionál munisípiu Covalima, Osório Soares “Mausoko” hateten, veteranu sira iha Covalima kada ema ida konstribui $155 hodi sukat no suku sira-nia uniforme.

“Veteranu iha Covalima sukat ona uniforma tanba bazea ba ami-nia rezultadu enkontru ho sekretáriu zona hitu no sekretáriu nurep balun, maibé uniforme ne’ebé mak sukat la’ós ho gratuita maibé kada ema ida kontribui osan $155,” Osório Soares “Mausoko” relata ba Ag^encia Tatoli, iha nia kna’ar fatin, Tabakolot, segunda ne’e.

Vetaranu kontribui osan kada ema ida $155 la’ós fó dala-ida maibé selu ba faze dahuluk bainhira atu sukat $80 no hafoin uniforme to’o iha Timor-Leste mak sei selu tan osan $75, ho nune’e totál hamutuk $155.

Uniforme ba veteranu ho folin $155 ne’e tanba kompañia suku ho pakote hanesan kalsa, kamiza kazaku, gravata no xapeo ne’ebé ba veteranu sira kór mutin malahuk no ba martir sira kór mean ne’ebé sei suku iha Indonézia.

“Uniforme ba veteranu hosi munisípiu Ainaro ho Covalima sei suku iha Indonézia iha Sulawesi tanba ita-nia Sekretáriu Estadu mak halo ligasaun ho kompañia hosi ne’eba mak sukat maibé ha’u haluha nia naran,” nia hateten.

Ho nune’e, veteranu sira hosi postu administrativu Zumalai, Fohorem, Maucatar, Suai no Tilomar sukat ona maibé veteranu hosi postu administrativu Fatululik ho Fatumea mak seidauk sukat uniforme tanba dook.

Tuir dadus hosi Konsellu Munisipál Kombatente Livertasaun Nasionál Munisípiu Covalima rejista veteranu hosi postu hitu ne’e veteranu no martír hamutuk 2000-resin.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!