iklan

HEADLINE, MUNISÍPIU, VIQUEQUE

MTKI identifika ona fatin rezisténsia  iha Viqueque

MTKI identifika ona fatin rezisténsia  iha Viqueque

Prezidente Konsellu Veteranu munisípiu Viqueque, Adriano Camara ‘Lentil’. Imajen Tatoli/Vitorino Lopes da Costa

VIQUEQUE, 16 agostu 2022 (TATOLI)–Prezidente Konsellu Veteranu munisípiu Viqueque, Adriano Camra ‘Lentil’, informa, Ministériu Turizmu Komérsiu no Indústria (MTKI) halo ona identifikasaun ba fatin rezisténsia lima iha munisípiu Viqueque.

“Ita-nia ekipa MTKI foin lalais mai Viqueque hodi halo identikasaun ba fatin rezisténsia lima iha munisípiu Viqueque atu dezenvolve ba sítiu turístiku rezisténsia,” Prezidente Konsellu Veteranu munisípiu Viqueque hateten iha ninia knaar fatin, Viqueque vila, tersa ne’e.

Kada postu hosi postu Uatucarbau, Uatulari, Viqueque Vila, Ossu no Lacluta aprezenta fatin rezisténsia ida ne’ebé identifikadu no konsidera importante iha Viqueque.

“Postu Ossu maka Uasadiga no Labalou ne’ebé sai pakote ne’ebé ninia osan mós sai ona. Loloos ohin ha’u ba ko’alia ho Banku Nasionál Ultramarinu (BNU) hodi loke ona konta bankária tanba ministériu kompetente transfere orsamentu hodi konstrui fatin istóriku  rezisténsia Uasadiga no Labalou. Tanba ne’e, obra Ministériu Turizmu Komérsiu no Indústria ami prepara ona no orsamentu mós iha ona hodi hein implementasaun,” nia akresenta.

Notísia relevante: Governu realiza jornada la’o-tuir Nicolau Lobato nia ain-fatin hosi Remexio-Turiscai

Dezenvolve fatin rezisténsia parte postu Ossu hanesan Uasadiga no Labalou ho montante $49.000 resin ba konstrusaun no reabilitasaun.

“Maibé ba postu haat ninia orsamentu maka ha’u ladun hatene, postu Ossu nia orsamentu ba konstrusaun $49.000 resin. Postu haat maka seidauk iha,” nia tenik.

Nune’e, implementasaun ba konstrusaun fíziku fatin rezisténsia Uasadiga no Labalou sei hahú iha tinan ne’e.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!