Veteranu dezmobilizadu iha Timor-Leste 454
DILI, 17 agostu 2022 (TATOLI)–Xefe Gabinete Sekretáriu Estadu Asuntu Kombatente Libertasaun Nasionál (SEAKLN), Albino de Carvalho Lelo, informa veteranu dezmobilizadu iha Timor-Leste hamutuk 454.
“Hosi totál ne’e, veteranu grau 8-14 iha ema na’in 210, veteran grau 15-19 iha ema na’in-131 no veteran grau 20-24 hamutuk 113,” Albino de Carvalho Lelo relata ba Agência Tatoli, liuhosi WhatsApp.
Nia relata, iha munisípiu Aileu iha veteranu dezmobilizadu na’in-rua (2) ne’ebé mak tama iha grau 15-19 ne’e ema na’in-ida no grau 20-24 iha na’in-ida; Ainaro iha veteranu dezmobolizadu hamutuk na’in-43 no hosi númeru ne’e grau 15-19 iha na’in-18, grau 20-24 iha na’in-haat (4) no grau 8-14 iha ema na’in-21; Baucau iha veteranu dezmobilizadu hamutuk na’in-98 ne’e iha grau 15-19 ne’e na’in-16, grau 20-24 ne’e iha na’in-24 no grau 8-14 ne’e iha na’in-58; Bobonaro iha veteranu dezmobilizadu hamutuk na’in-haat (4) ne’e iha grau 15-19 ne’e na’in-ida (1), grau 8-14 iha ema na’in-tolu (3).
Veteranu dezmobilizadu iha munisípou Dili hamutuk na’in-tolu (3) no ida-ne’ebé tama iha grau 15-19 hamutuk na’in-rua (2) no grau 8-14 ne’e iha na’in-ida (1); Ermera iha na’in-13 no iha grau 15-19 hamutuk na’in-rua (2) no grau 8-14 hamutuk na’in-11; Lautém iha na’in-168 no ida-ne’ebé ho grau 15-19 hamutuk na’in-46, grau 20-24 na’in 52 no grau 8-14 na’in-70; Liquiça iha na’in-13 no iha grau 15-19 hamutuk na’in-ualu (8), grau 20-24 na’in tolu (3) no grau 8-14 na’in rua (2).
Munisípiu Manatuto iha veteran dezmobilizadu hamutuk na’in-13 no ida-ne’ebé tama iha grau 15-19 hamutuk na’in-rua (2), grau 20-24 iha na’in-neen (6) no grau 8-14 na’in lima (5); Manufahi iha na’in-lima (5) no ida-ne’ebé tama iha grau 20-24 hamutuk na’in-ida no grau 8-14 iha na’in-haat (4); Rejiaun Administrativa Espesiál Oé-Cusse Ambeno (RAEOA) iha na’in-ida (1)ne’ebé tama iha grau 8-14 no munisípiu Viqueque iha na’in-91 ne’ebé tama iha grau 15-19 hamutuk na’in 35, grau 20-24 na’in 22 no grau 8-14 iha na’in 34.
Prezidente Konsellu Kombatente Libertasaun Nasionál (CCLN-sigla portugés), Vidal de Jesus ‘Riak Leman’, hateten veteranu dezmobilizadu balun hetan ona uma hosi Estadu no balun sei hetan ho fazeadamente.
Jornalista : Osória Marques
Editór : Cancio Ximenes
