iklan

COVALIMA, SAÚDE

Estoke ai-moruk esensiál iha sentru saude Suai hahú menus

Estoke ai-moruk esensiál iha sentru saude Suai hahú menus

Ai-moruk Paracetamol. Imajen/Espesiál.

COVALIMA, 18 agostu 2022 (TATOLI)—Xefe Sentru Saúde Suai, Mateus Oliveira Mendonça, informa daudaun ne’e estoke ai-moruk esensiál hanesan Paracetamol menus no xarope ba labarik sira stoke out ona iha sentru saúde Suai, munisípiu Covalima.

“Daudaun ne’e ami hasoru difikuldade tanba menus ai-moruk esensiál hanesan Paracetamol hela tableta kuaze 200. Ita imajina bainhira loron ida atende kuaze ema na’in-50 to’o 100-resin, ohin  ai-moruk bele hotu. Maibé ai-moruk xarope ba labarik sira stoke out (laiha) ona,” Mateus Oliveira Mendonça hato’o ba Agência Tatoli, iha nia kna’ar fatin Bairru Costa, kinta ne’e.

Estoke ai-moruk Paracetamol menus no agora hela de’it tablet kuaze 200, tanba pasiente konsulta iha postu saúde, médiku sira fó reseita atu foti ai-moruk iha sentru saúde ne’ebé tuir loloos labele akontese, tanba komunidade tenke gasta osan $2,00 sa’e motor Ojek atu simu ai-moruk.

Maske halo ona rekizasaun liuhosi online no manuál maibé nia rezultadu estoke ai-moruk iha rejionál no nasional estoke laiha.

Sentru saúde Suai responsabiliza ba postu saúde sira hanesan postu saúde Beco, Gala, Labarai, Sanfuk, Suai Loro no Lakonak pesoál hamutuk na’in-50.

Hosi númeru ne’e pesoál saúde na’in-29 destaka iha sentru saúde Suai hanesan médiku, enfermeiru, parteira, asisténsia téknika aliadu farmasia no analista balun destaka iha postu saúde.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!