iklan

JUSTISA, HEADLINE

Ekipa Konjunta detein suspeitu ida ba kazu tentativa omísidu hasoru membru PSHT

Ekipa Konjunta detein suspeitu ida ba kazu tentativa omísidu hasoru membru PSHT

Membru PSHT ne'ebé hetan tuda hosi ema deskoñesidu iha área Vila-Verde-Dili. Imajen/Espesial

DILI, 19 agostu 2022 (TATOLI)- Ekipa konjunta hosi Servisu Sekreta Servisu Informasaun Polísia (SIP) Makikit no Unidade FALINTIL-Forsa Defeza Timor-Leste (F-FDTL), detein ona autór na’in-ida ba kazu tentativu omísidu, danu agravadu no mós Arma Branka.

Iha tuku 11:00 otl, dadeer, ekipa konjunta detein suspeitu autór AJG (tinan 20) hela área Matadoro, suku Vila-Verde tanba halo asaltu ba membru GAM PSHT ne’ebe simu graduasaun hafoin fila ba ida-idak nia hela fatin.

Tuir kronólojia, antes ne’e suspeitu sira iha planu ona hodi halo grupu rua hodi fahe balun hein iha dalan diresaun Igreja Katedral sa’e ba Tuana-Laran iha Aldeia Virgoloza, suku-Vila Verde, Postu-Administrativu Vera Cruz, Munisipiu Dili.

“Iha oras tuku 4:00, madrugada membru hosi GAM PSHT ramata atividade simu graduasaun atu fila ba ida-idak nia uma to’o iha dalan iha fatin akontesimentu hetan kedas asaltu husi suspeitu ho nia maluk sira hodi fatuk mak tuda inklui lori mós samurai ida hodi rezulta vítima nain-lima, kompostu hosi mane nain-tolu no feto na’in-rua hosi GAM PSHT hetan kanek grave iha parte ulun kanek no kuak rezulta raan sai makas no agora dadauk vitima sira halao ona  tratamentu iha Hospital Nasional Guido Valadares (HNGV),” refere komunikadu ne’ebé Agência TATOLI asesu, sesta ne’e.

Hafoin detein suspeitu deklara katak nia ho nia kolega sira hamutuk nain-ualu seluk ne’ebe maka halo asalta ba Membru GAM PSHT to’o hetan kanek Grave.

Agora dadaun ekipa konjuntu kontinua buka suspeitu sira seluk ne’ebe maka sei halai Subar.

Notísia relevante:  Konfrontu iha Vila-Verde, Membru PSHT na’in-ida baixa iha HNGV

Jornalista: Natalino Costa

Editór        : Florencio Miranda Ximenes

iklan
iklan

Leave a Reply

iklan
error: Content is protected !!