iklan

COVALIMA, SAÚDE

Ai-moruk esensiál iha sentru saúde Fatululik estoke mamuk

Ai-moruk esensiál iha sentru saúde Fatululik estoke mamuk

Xefe Sentru Saùde Fatululik, José da Cruz. Imajen Tatoli/Celestina Teles.

COVALIMA, 24 agostu 2022 (TATOLI)—Xefe Sentru Saúde Fatululik, José da Cruz, informa daudaun ne’e estoke aimoruk esensiál hanesan Paracetamol no Amoxicillin estoke mamuk ona iha sentru saúde postu administrativu Fatululik hahú iha fulan-jullu to’o agostu tinan ne’e.

“Daudaun ita-nia ai-moruk esensiál ne’ebé estoke mamuk mak ai-moruk Paracetamol no Amoxicillin ba adultu sira, nune’e fó de’it mak xarope ba adultu sira hahú fulan-jullu to’o ohin loron,” José da Cruz hateten ba Agência Tatoli, iha nia kna’ar fatin, Sentru Saúde Fatululik, kuarta ne’e

Estoke ai-moruk Paracetamol ho Amoxicillin estoke mamuk adultu sira hodi fó fali xarope ida-ne’e fó impaktu ba adultu sira tanba fó fali ai-moruk xarope ba labarik sira-nian ba adultu sira-ne’e tuir loloos labele akontese maske hato’o ona pedidu maibé seidauk iha rezultadu.

Hafoin estoke aimoruk mamuk, sira-nia parte haruka pedidu urjente no pedidu normál maibé to’o ohin loron ai-moruk seidauk to’o mai tanba estoke ai-moruk laiha la’ós iha munisípiu Covalima de’it maibé iha mós Servisu Autónoma Medikamentu Ekipamentu Saúde (SAMES) mós estoke ai-moruk mamuk.

Pesoál saúde ne’ebé Servisu iha Sentru Saúde Fatululik hamutuk na’in-22 ne’ebé kompostu hosi médiku na’in-rua, parteira na’in-haat (4), enfermeiru no enfermeira na’in-lima (5), dentaria na’in-ida (1), farmasista na’in-ida (1), laboratóriu na’in-ida (1), nutrisaun na’in-ida (1), servisu Malária nian na’in-ida (1), cleaner na’in-rua (2) no seguransa na’in-ida (10).

Jornalista : Celestina Teles

Editór       : Cancio Ximenes

 

iklan
iklan

Leave a Reply

iklan
error: Content is protected !!