iklan

COVALIMA, POLÍTIKA

Edukasaun Covalima sei verifika dokumentu profesór na’in-256

Edukasaun Covalima sei verifika dokumentu profesór na’in-256

Diretòr Servisu Edukasaun Munisípiu Covalima, Rui Suni Seran,imajen tatoli/Celestina Teles.

COVALIMA, 01 setembru 2022 (TATOLI)–Diretór Servisu Edukasaun Covalima, Rui Suni Seran informa, daudaun ne’e Servisu Edukasaun Munisípiu Covalima sei verifika dokumentu ne’ebé mak profesór na’in-256 submete ba edukasaun Covalima.

“Bazea ba dadus ne’ebé servisu edukasaun Covalima fó sai profesór hamutuk na’in-272 maibé hosi númeru ne’e profesór na’in-256 mak submete de’it sira-nia dokumentu ne’ebé halo verifikasaun dokumentu restu la submete sira-nia dokumentu,” Rui Suni Seran hateten ba Agência Tatoli, iha nia kna’ar fatin, Santa Rosa, kinta ne’e.

Nune’e, profesór sira-ne’ebé mak submete ona sira-nia dokumentu ba servisu edukasaun munisípiu Covalima ne’e sei la tuir teste maibé halo de’it selesaun ba sira-nia dokumentu.

Tuir kritéria haree ba profesór sira-nia durasaun servisu hanesan profesór sira-ne’ebé hahú hanorin iha tinan 2007 to’o 2017, maibé ba sira-ne’ebé foin hahú hanorin iha tinan 2018 mai oin entaun pasiénsia tenke hein tempu seluk.

Tanba vaga ne’ebé Ministériu Edukasaun Juventude no Desportu (MEJD) fó sai liuhosi Servisu Edukasaun Munisípiu Covalima, presiza de’it profesór na’in-75 maibé profesór na’in-256 mak submete ona sira-nia dokumentu nune’e presiza verifika ho didi’ak.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!