iklan

EDUKASAUN, COVALIMA, POLÍTIKA

Projetu komunitária konstrui-reabilita eskola 15 iha Covalima atinje ona 45%

Projetu komunitária konstrui-reabilita eskola 15 iha Covalima atinje ona 45%

Konstrusaun sala-de-aula tolu no haris fatin ida iha Eskola Sekundáriu Jerál Pùbliku Suai, atinje ona 37%. Imajen Tatoli/Celestina Teles.

COVALIMA, 01 Setembru 2022 (TATOLI)–Diretór Servisu Edukasaun Munisípiu Covalima, Rui Suni Seran, informa projetu komunitária liuhosi konstrusaun no reabilitasaun ba eskola 15 iha Covalima ne’e ninia progresu implementasaun atinje ona 45%.

Notísia Relevante: Grupu komunitáriu sei reabilita eskola 15 iha Covalima

Diretòr Servisu Edukasaun Munisípiu Covalima,Rui Suni Seran,imajen tatoli/Celestina Teles.

“Projetu komunitária iha munisípiu Covalima nia progresu implementasuan agora daudaun ne’e atinje 45%. Ne’ebé, tuir planu sei finaliza iha fulan dezembru tinan ne’e tanba durante implementasaun mosu dezinentendimentu entre Ajénsia Nasionál Dezenvolvimentu (ADN) ho Ministériu Obra Públika (MOP),” Rui Suni Seran informa ba Agncia Tatoli, iha nia kna’ar fatin, Santa Rosa, kinta ne’e.

Razaun durante implementasaun mosu desentendementu ne’e tanba kestaun halo alterasaun lei kona-ba saida, nia parte la hatene maibé problema ne’e rezolvidu ona no hahú halo ona prosesu pagamentu ba faze daruak iha fulan setembru ne’e, nune’e bele finaliza projetu refere iha fulan dezembru tinan ne’e.

Tinan ne’e finaliza projetu konstrusaun no rehabilitasaun eskola ne’e finaliza ka lae, ida ne’e tekniku sira mak hatene  ha’u lahatene maibé depende mós ba materiál no osan tanba badaen sira prontu atu hala’o servisu

Tanba materiál konstrusaun no reabilitasaun eskola 15 liuhosi projetu komunitáriu ne’e iha Kupang laiha, entaun ida-ne’e mós sai dezafiu no materiál tenke halo teste iha laboratóriu bainhira laboratóriu la primite atu materiál ne’e labele uza.

Tuir dadus hosi edukasaun Covalima konstrui no reabilita eskola 15 mak hanesan EBF Holbolu, Laen-Tolu, Maucola, Salasa, Usecai, Soidiga, Aitos, Macocon, Has-Ain, eskola tékniku Vokasionál Akar-Laran, Eskola Sekundáriu Jerál Públiku Suai, EBC Zumalai, Fatumea, Traducama konstrui no reabilita eskola sala-de-aula kompleta ho eskritóriu, armajen no casa de banho (toilet).

Antes ne’e, iha 07 fulan-outubru tinan ne’e Vise Ministru Edukasaun Juventude no Desportu, António Guterres, asina kontratu ho grupu komunitária ne’ebé atu konstrui no reabilita eskola 15 iha munisípiu Covalima.

Orsamentu reabilita no konstrusaun eskola 15 iha Covalima ne’e mai hosi Orsamentu Jerál Estadu tinan 2021 ne’ebé prevee iha transferénsia públika hamutuk millaun $1,6, grande projetu orsamentu mai hosi rubrika Kapitál Dezenvolvimentu ne’ebé konstrui eskola Kafe haat (4).

Notísia Relevante: MEJD asina kontratu ho grupu komunitária konstrui eskola 15 iha Covalima

Jornalista : Celestina Teles

Editór       : Cancio Ximenes

 

iklan
iklan

Leave a Reply

iklan
error: Content is protected !!