iklan

EKONOMIA, BAUCAU, HEADLINE, MUNISÍPIU

PNDS finaliza reabilitasaun sede suku Saelari

PNDS finaliza reabilitasaun sede suku Saelari

Xefe suku Saelari, Mateus Cardoso/Imajen Tatoli/Natalino Belo.

BAUCAU, 02 setembru 2022 (TATOLI) – Sede Suku Saelari, postu administrativu Laga, munisípiu Baucau finaliza ona prosesu reabilitasaun liuhosi Programa Nasionál Dezenvolvimentu Suku (PNDS).

Xefi suku Saelari, Mateus Cardoso, agradese ba VIII governu konstitusionál tanba reabilita ona sede suku hodi halo atendimentu ba komuinidade sira.

“Ami kontente tebes, ha’u fiar katak ba oin bele avansa di’ak liután,” Xefe suku Saelari informa ba Agência TATOLI iha sede suku Saelari, sesta ne’e.Sede suku refere hahú konstrusaun iha governasaun dahuluk no finaliza iha tinan-2022 liuhosi Programa Nasionál Dezenvolvimentu Suku (PNDS) konsege reabilita sede suku refere.

Governu mós apoia komputadór hodi fasilita autoridade atende komuinidade sira iha Saelari, tanba antes ne’e tenke la’o dook.

Projetu ke’e hahú iha tinan-2021 ho tipu Rehabilitasaun Sede Suku (RSS) hosi Programa Nasionál Dezenvolvimentu Suku (PNDS) ho totál orsamentu hamutuk $ 15.002,00.

Suku Saelari kompostu aldeia sia hanesan Bubuloma, Lalilaidama, Larisura, Laritau, Lauhare, Riadae, Saelari, Samalanu no Terubala ho totál populasaun 2.770, ho xefe família 612.

Jornalista    : Natalino Belo 

Editór          : Evaristo Soares Martins 

iklan
iklan

Leave a Reply

iklan
error: Content is protected !!