Membru Estadu OMS iha rejiaun ASEAN prioritiza populasaun saudavél
DILI, 03 setembru 2022 (TATOLI)- Ministériu Saúde membru Organizasaun Mundiál Saúde (OMS), Regiaun Sudeste-Aziátiku hala’o diskusaun ba asuntu prioridade prevene saúde mental, moras hada’et no la hada’et, haforsa preparasaun ba emerjénsia saúde ho konsiderasaun ba pandemia COVID-19.
Iha Sesaun diskusaun Komite Rejionál Ministériu Saúde Membru OMS-Sudeste Aziátiku ba-dala-75, enkontru anuál órgaun governativa hosi OMS iha rejiaun ida-ne’e, iha tinan ida ne’e, hala’o iha nasaun Bhutan hanesan uma-nain sei organiza hahú iha loron 5 to’o 9 setembru.
Diskusaun ne’e, hala’o iha edifísiu-sentrál OMS, ne’ebé partisipa hosi ofisiál senió hosi Ministériu Saúde husi Estadu membru, represtativu hosi ajénsia ONU, parseiru, doadór no sosiadade sivíl.
“Monitorizasaun progresu no planu aselerasaun ba moras la hada’et, progresu ba atinje meta hapara TB, aseleira eliminasaun ba konkru servikal, no haforsa edukasaun kna’ar na’in saúde no treinamnetu nu’udar asuntu xave balun ne’ebé sei foti iha sesaun komite rejionál hanesan orgaun OMS a’as liu atu foti desisaun iha rejiaun refere,” Diretór Regionãl ba OMS-Sudueste Asiatiku, Poonam Khetrapal Singh hateten iha nota ne’ebé TATOLI asesu ohin.
Iha dikusaunn ne’e, hakarak atinje progresu liuhosi rezolusaun ne’ebé adoptadu iha sesaun Komite rejionál dahuluk sei hetan revisaun, inklui planu asaun rejional ba ambiente saudavél no ba populasaun saudavel; planu estratéjiku atu rezolve todan ne’ebé dupla hosi nutrisaun, hapara mortalidade inan, bebé-foin moris no labarik, eliminasaun sarampu, no rubéola iha 2023 inklui haforsa ekipa emerjénsia médika.
Daudaun, Rejiaun ida ne’e foku ninia esforsu iha prioridade Flagship rejionál ualu (8), atu elimina sarampu, no rubéolla iha 2023, resolve moras la hada’et liuhusi polítika no planu multi-setorál; aseleira redusaun mortalidade materna, bebé foin-moris, no mortalidade labarik idade tinan-lima mai kraik, avansu kobertura saúde universál, hamenus ou reversu rezisténsia antimicrobial; hasa’e kapasidade jestaun risku emerjénsia; elimisaun moras tropikál abandonadu no hapara TB.
Prioridade Rejionál iha sinkronisaun ho objektivu Dezenvolvimentu Sustentavél ba Saúde. Durante tinan hirak ne’e, Estadu membru promove atijementu substánsiál iha saúde no bem-estar no aliñamentu ho Flagships, Regiaun ne’e elimina polío iha 2014 no elimina tetanu maternál no bebé foin-moris iha 2016.
Tanba, Nasaun Maldives no Sri Lanka elimina ona sarampu no rubéola, enkuantu Bhutan, DPR Korea no Timor-Leste atinje eliminasaun sarampu. Enkuantu Maldives, Sri-Lanka no Tailándia elimina moras ain-potis (lymphatic filariasis).
Nasaun Nepal no Myanmar elimina trachoma/moras matan. India livre husi YAWS. Sri Lanka no Maldives elimina Malária. Tailándia, Sri Lanka no Maldives elimina transmisaun HIV no Syphilis hosi inan-ba Oan. Bangladesh, Bhutan, Nepal no Tailándia kontrola Hepatitis B.
Hahú komesa pandemia COVID-19, ida ne’e ba dalauluk sesaun komite Rejionál halo enkontru antendidu pesoalmente. Enkontru anuál daruak liuba hala’o iha Nepal iha 2021, no Tailándia iha 2020- ne’ebé liu husi virtuál.
Jornalista : Felicidade Ximenes
Editór : Florencio Miranda Ximenes
