iklan

COVALIMA, POLÍTIKA

Loro Mesak: veteranu nia-oan la eskola, ema seluk sei ukun imi

Loro Mesak: veteranu nia-oan la eskola, ema seluk sei ukun imi

Sekretáriu Estadu Asuntu Veteranu Kombatente Libertasaun Nasionál, Júlio da Conceição "Loro Mesak”. Imajen Total/Celestina Teles.

COVALIMA, 07 setembru 2022 (TATOLI)–Sekretáriu Estadu Asuntu Veteranu Kombatente Libertasaun Nasional (SEAKLN), Júlio da Conceição “Loro Mesak”, husu ba veteranu nia-oan sira duké tuir arte marsiál maibé di’akliu tenke ba eskola, taba se la eskola mak ema eluk nia oan mak sei ukun imi.

“Ha’u hanesan Sekretáriu Estadu Asuntu Veteranu husu ba veteranu sira nia-oan duké tuir arte marsiál hodi baku malu, maibé di’akliu ba eskola tanba Timor-Leste iha ita boot sira-nia liman. Ita-nia aman sira katuas ba daudauk ona, tinan 10 ka tinan 20 mai, veteranu laiha ona idade nakaras hotu ona. Se imi la eskola mak ema seluk nia oan mak sei ukun fali imi iha loron aban,” Júlio da Conceição “Loro Mesak” hateten ba jornalista sira iha Monumentu Masakre Setembru Negro Suai 1999, tersa ne’e.

Tanba ne’e bainhira veteranu nia-oan sira la eskola ne’e sé mak atu lidera nasaun ne’e ba futuru, se imi veteranu sira nia-oan kuandu la eskola make ema seluk nia oan mak sei mai fali ukun imi.

Nune’e, governante ne’e dehan, veteranu nia oan sira atu ba eskola bainhira hasoru dezafiu iha dalan, konsellu veteranu no ministériu prontu fó apoiu tanba ne’e prepara an atu kaer ukun iha nasaun ida-ne’e.

“Ami katuas ona mós hakarak sei eskola maibé imi foinsa’e lakohi eskola, hein de’it aban bainrua ema atu ukun ita-boot sira. Ne’ebé ba eskola, ba soke hela parede halai fila-fali mai, hateten ba ministériu ka konsellu veteranu dehan ami ba mais ami soke hela parede bele ajuda ami ka lae, ida-ne’e mak ami bele ajuda,” nia informa.

Maibé, bainhira imi halo problema iha li’ur entaun sei haruka polisia lolo imi, tanba loke hela bolsu estudu ba veteranu nia-oan sira, lahatene veteranu sé nia-oan mak hetan bolsu estudu refere.

Tanba VIII Governu Konstitusionál ne’ebé lidera hosi Primeiru-Ministru, Taur Matan Ruak, hatun despaixu katak kada munisípiu ne’e, veteranu nia-oan 100 hetan bolsu estudu hosi Governu.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!