BAUCAU, 07 setembru 2022 (TATOLI) – Servisu munisipál protesaun sivíl no jestaun dezastre maturál (SMPSJN) Baucau, rejista uma komunidade ne’ebé hetan estragu kauza hosi dezastre naturál hamutuk 32 iba trimestre daruak.
Diretór SMPSJN Baucau, Nelson Abílio Soares Nunes, esplika, hosi kazu 32 refere kompostu postu Baucau vila anin sobu uma-lima, rai-halai estraga uma-ida no inséndiu uma-ida.
Hosi parte postu administrativun Laga hamutuk uma-sia hanesan anin sobu uma-ualu no inséndiudiu uma-ida. Postu Quelicai anin sobu uma-hitu no ahi-haan uma-ida, Venilale anin sobu uma-lima no postu Baguia anin sobu uma-haat.
“Ita haruka ona no kontinua verifika dadus ba diresaun nasionál hodi ajuda materiál konstrusaun tuir klasifikasaun dezastre,” Diretór protesaun sivíl no jestaun dezastre Baucau informa ba Tatoli iha Vila Nova, kuarta ne’e.
Diresaun protesaun sivíl Baucau hafoin rejista kazu hirak ne’e direitamente apoia emerjénsia ba família vítima hamutuk uma-kain 25 hanesan hahaan no la’ós-hahan kompostu hosi foos, mina, supermi, ikan-lata, ekipamentu dapur hanesan sana, bikan, kanuru no seluk tán.
“Ita sei kontinua koordena atu fó tán apoia ba família lima iha postu Venilale ne’ebé seidauk hetan ajudu emerjénsia,” Nelson Nunes akresenta.
Protesaun sivíl no jestaun dezastre Naturál durante tinan-2022 rejista totál uma komunidade ne’ebé verifikadu ona hamutuk 78, kompostu aat tótal uma-13, aat natoon 15 no aat kmaan 19.
Jornalista : Natalino Belo
Editór : Evaristo Soares Martins
