iklan

DILI

Semitériu Because nakonu sei utiliza semitériu públiku foun iha Metinaro

Semitériu Because nakonu sei utiliza semitériu públiku foun iha Metinaro

Ekipa SIJK halo kremasaun ba mate-isin Chen Xian Ling iha semitériu públiku Metinaro. Imajen TATOLI/Felicidade Ximenes.

DILI, 07 setembru 2022 (TATOLI)—Ministru Administrasaun Estatál (MAE), Miguel Pereira de Carvalho, hateten semitériu Becusse besik nakonu ka nakonu mak sei kontinua utiliza hodi hakoi mate-isin iha semitériu públiku foun iha postu adminiatrativu Metinaro, munisípiu Dili, tanba preparadu ona.

“Semitériu Becuse kuandu nakonu ona, bele hakoi iha Metinaro ne’ebá tanba ne’ebá Institutu Jestaun Ekipamentu halo tetuk ona no preparadu ona atu hakoi mate-isin,” Governante ne’e hateten ba Agência Tatoli, hafoin reuniaun Konsellu Ministru, iha resintu Palásiu Governu, Dili kuarta ne’e.

Governante ne’e hatutan, dalan ka estrada ba semitériu foun ne’e di’ak hotu ona inklui kapela no daudaun ne’e IGE kontinua halo konstrusaun moru hale’u semit’eriu refere.

Prosesu muda semitériu tuan ba semitériu foun iha Metinaro ne’e iha opsaun rua, ida mak sei hein dekretu do Governo no diploma ministeriál.

“Tanba ho semitériu Becuse ne’e ho diploma ministerial, entaun ho semitériu Metinaro ne’e tenke ita antesipa ka presiza dekretu-lei ida, nune’e bele muda tiha semitériu públiku ne’e ba Metinaro.” nia hateten.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!