iklan

HEADLINE, POLÍTIKA

Kongresu da-V FRETILIN sesaun daruak taka ba públiku

Kongresu da-V FRETILIN sesaun daruak taka ba públiku

Reprezentante delegadu partidu FRETELIN sira hosi munísipiu sira partisipa iha kongresu nasionál ba da-V, iha CCD, kinta (08/09). Imajen Tatoli/António Daciparu

DILI, 08 setembru 2022 (TATOLI)–Prezidente partidu Frente Revolusionária Timor-Leste Independente (FRETILIN), Francisco Guterres ‘Lú Olo’, informa, kongresu nasionál ba da-V iha sesaun daruak iha parte lorokraik sei taka ba públiku.

“Iha sesaun ida tuir fali mai ne’e hanesan sesaun interna, entaun ami husu ba mídia sira hela iha li’ur lai to’o enserramentu mak ita-boot sira asesu filafali atu mai foti sai rezultadu,” Francisco Guterres Lú Olo, hateten iha Sentru Konvensaun Dili (CCD, sigla portuges), kinta ne’e.

Atividade ne’ebé sei aprezenta iha sesaun daruak mak tema sentrál hosi Sekretáriu Jerál partidu FRETILIN no tempu hanesan fó relatóriu atividade Komité Sentrál FRETILIN nian, entrada delegadu sira iha sala kongresu, entrada rejimentu V kongresu, tuir mai sei fó tempu ba eleisaun meza kongresu no komisaun verifikasaun poder, inklui aprezentasaun votasaun lista kandidatu ba meza kongresu.

Notísia relevante: Lú Olo: kongresu FRETILIN dalimak hametin prinsípiu lori naroman ba povu

Tuir mai, leitura rejimentu V kongresu nasionál, eleisaun meza kongresu, aprezentasaun no votasaun, lista kandidatu ba meza no Kongresu, aprezentasaun lista kandidatu Prezidente no Sekretáriu Jerál FRETILIN, no proklamasaun rezultadu votasaun.

Nune’e, públiku labele asesu kongresu ba parte loron sesta (09/09), ho ajenda hanesan intervensaun meza V kongresu nasional, relatóriu komisaun nasional jurizdisaun, aprezentasaun lista ba kandidatu ba membru komisaun nasionál jurizdisaun, eleisaun ba membru Komité Sentrál FRETILIN (CCF, sigla portugés), kontajen, no proklamasaun rezultadu eleisaun.

Tuir mai mak aprezentasaun proposta revizaun estatutu intervensaun hosi kongresu munisípiu sira no mensajen ba partidu amigu sira, nune’e ba iha sesaun loron sábadu (10/09) mak iha intervensaun meza kongresu nasionál nian, aprezentasaun ba teze V kongresu nian, diskusaun grupu, aprezenta relatóriu grupu, aprovasaun, relatóriu CCF, aprovasaun proposta teze V kongresu nasionál partidu FRETILIN, no aprovasaun proposta revizaun estatutu.

Ikus liu mak tomada pose órgaun sentrál eleitu, intervensaun Sekretáriu Jerál FRETILIN foun, intervensaun Prezidente Partidu FRETILIN foun, no Sayonara.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!