iklan

NASIONÁL, POLÍTIKA

MAE sei distribui zinku ba benefisiáriu UKL+ tipu B iha Baucau

MAE sei distribui zinku ba benefisiáriu UKL+ tipu B iha Baucau

Ministru Administrasaun Estatál, Miguel Pereira de Carvalho. Imajen TATOLI/Antonio Goncalves

DILI, 08 setembru 2022 (TATOLI)–Ministériu Adminitrasaun Estatál (MAE), Miguel Pereira de Carvalho, hateten semana oin MAE sei distribui zinku ba benefisiáriu UKL+ tipu B iha munisípiu Baucau.

“Segundu semana iha emana oin, ita sei implementa UKL plus ho tipu B, nune’e ha’u sei to’o iha Baucau hodi distribui zinku ba benefisiáriu sira, atu sira bele troka sira-nia zinku ne’ebé ferujen ona,” Miguel Pereira de Carvlaho hateten ba Agência Tatoli, bainhira partisipa kongressu Fretilin dalimak iha Sentru Konvensaun Dili (CCD-sigla portugés), kinta ne’e.

UKL+ tipu B ne’e, governante ne’e esplika, ekipa sei distribui materiál ba benefisiáriu sira hahú iha setembru to’o dezembru tinan ne’e, ho nia osan kuaze millaun $10 hodi sosa zinku besik 800.000.

“Nune’e ita fahe ba família liu 5.000 iha Timor-Leste no ita hakarak tinan ne’e tenke distribui hotu tantu UKL+ tipu A no tipu B,” nia dehan.

Entretantu UKL plus tipu A, MAE lansa ona iha Balibo foin lalais ne’e no ekipa kontinua halo distribuisaun no garante tinan ne’e bele konklui ona.

UKL plus implementa bazea ba dekretu-lei númeru 25/2022, 19 maiu, kona-ba programa UKL plus ho objetivu konstribui ba hamenus ki’ak iha Timor-Leste, garante moris di’ak, iha uma ne’ebé seguru ba ema hotu nia moris no garante ema hotu iha oportunidade atu horik iha uma ne’ebé dignu.

Rekezitu importante mak tuir kondisaun uma ba kategoria B hanesan uma fatuk, uma meia parede, kategoria sosiál mak komunidade ne’ebé iha ona uma permanente ka semí permanente no estatutu rai tenke privadu ka eransa, laiha konflitu ka disputa, iha dokumentu legál hosi Ministériu Justisa.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!