iklan

COVALIMA, POLÍTIKA

Veteranu-martir Covalima na’in-500 foti ona kartaun investimentu

Veteranu-martir Covalima na’in-500 foti ona kartaun investimentu

Prezidente Konsellu Veteranu Munisípiu Covalima, Osorio Soares “Mausoko”. Imajen Tatoli/Celestina Teles.

COVALIMA, 08 setembru 2022 (TATOLI) –Prezidente Konsellu Veteranu Munisípiu Covalima, Osório Soares “Mausoko” informa, veteranu no famíli martir na’in-500 foti ona kartaun investimentu iha konsellu veteranu Covalima.

“Tuir dadus veteranu iha Covalima hamutuk na’in-1800 no hosi númeru ne’e, veteranu no família martir na’in 500 mak foti ona kartaun fundu investimentu maib’e falta na’in-1,300 mak seidauk foti,” Osório Soares “Mausoko” relata ba Agéncia Tatoli iha nia kna’ar fatin Tabalok, Covalima, kinta ne’e.

Razaun veteranu no martir balun seidauk foti sira-nia kartaun investimentu balun seidauk iha osan atu sukat uniforme tanba sira-nia oan eskola no balun problema halo kreditu iha banku.

Ho nune’e, sira-ne’ebé tarde uitoan atu foti kartaun investimentu bainhira sira iha ona osan, ida-idak mai sukat uniforme tanba ba faze dahuluk sira entrega osan $80.00 hafoin uniforme to’o ona iha ne’e sei entrega tan osan $75.00.

Kartaun ne’ebé veteranu martir foti iha konsellu veteranu Covalima ne’e kartaun ne’ebé kada fulan koa veteranu no martir nia osan $30.00, nune’e kartaun refere tenke rai didi’ak no sira-nia bei-oan sei uza.

“Daudaun ne’e, iha banku hamutuk milliaun 24 ne’e, veteranu no martir iha munisíu 13 inklui Rejiaun Administrativu Espesiál Oé-Ccusse Ambeno (RAEOA),” nia dehan.

Kartaun investimentu ba veteranu no martir sira iha-nia benefísiu mak hanesan aban bainrua balun bele halo kreditu hodi bele halo konstrusaun uma, haruka oan ba eskola no bele mós harii kooperativu.

Jornalista : Celestina Teles

Editór : Cancio Ximenes

iklan
iklan

Leave a Reply

iklan
error: Content is protected !!