iklan

HEADLINE, MUNISÍPIU, VIQUEQUE

Autoridade Ossu husu atu envolve ema ho difisiénsia iha atividade PMOPA

Autoridade Ossu husu atu envolve ema ho difisiénsia iha atividade PMOPA

Administrór postu Administrativu Ossu, munisípiu Viqueque, Sebastião Pereira Pires. Imajen Tatoli/Vitorino Lopes da Costa

VIQUEQUE, 09 setembru 2022 (TATOLI)—Autoridade husu atu envolve ema ho defisiénsia iha atividade programa mão de obra postu administrativu (PMOPA) iha postu administrativu Ossu, munisípiu Viqueque.

“Iha implementasaun programa mão de obra, ha’u husu envolve mós ema ho defisiénsia sira hodi halo serbisu nune’e hetan netik osan hodi sustenta nesesidade loron-loron nian,” Administradór postu Ossu, munisípiu Viqueque, Sebastião Pereira Pires, hateten iha postu Ossu, sesta ne’e.

Administradór orienta ona xefe suku sira hodi envolve ema ho defisiénsia iha programa ne’e.

“Sira partisipa maka la serbisu mós labuat ida naran katak envolve sira. Iha suku Ossorua ema ho defisiénsia na’in ida, suku Builale ida no suku Uagia ida. Durante iha ha’u-nia mandatu lidera PMOPA ne’e tenke envolve feto no ema defisiénte sira hodi hetan hotu osan,” nia akresenta.

Notísia relevante: Postu Uatulari implementa atividade 53 hosi PMOPA

Nune’e, durante implementasaun PMOPA envolve ona feto 3% hodi partisipa halo serbisu.

Iha postu administrativu Ossu implementa atividade 53 PMOPA, ho tipu atividade hanesan kee dalan, hamos baleta, limpeza iha edifísiu postu Ossu no kuda ai-horis.

Aleinde ne’e, iha grupu hamutuk 56 mak envolve iha programa mão de obra, ne’ebé kada grupu ida envolve ema 20, nune’e purvolta ema 1.000 resin maka partisipa iha suku 10, postu administrativu Ossu, munisípiu Viqueque, ho alokasaun orsamentu hamutuk $120.166,33.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!