iklan

INTERNASIONÁL, HEADLINE

PR Horta asina karta kondolénsia ba matebian Raiña Elizabeth II

PR Horta asina karta kondolénsia ba matebian Raiña Elizabeth II

Nota kondolénsia hosi Prezidente Repúblika, José Ramos Horta ba falesimentu matebian Raiña Elisabeth II, sábadu (10/09). Imajen Tatoli/Rafy Belo

DARWIN, 10 setembru 2022 (TATOLI)–Prezidente Repúblika (PR), José Ramos Horta, sábadu ne’e, hasoru malu ho Primeiru-Ministra, Natasha Fyles, iha Parlamentu Nasionál, Darwin, Austrália.

Iha biban ne’e, Xefe Estadu asina mós karta profunda kondolénsia ba matebian Raiña Elizabeth II, ne’ebé hakotu iis iha Palásiu Buckingham, kinta (08/09).

“Ba povu britániku no commonwealht, lori povu Timor-Leste nia naran hato’o sentidu profunda kondolénsia,” refere karta ne’ebé Xefe Estadu hakerek no asina.

Notísia relevante: Xanana Gusmão hato’o sentida lutu ba falesimentu Raiña Elizabeth II

Hafoin asinatura, Xefe Estadu akompaña hosi Embaixadora Timor-Leste iha Austrália, Inês Almeida, partilla ba malu impresaun sira kona-ba Timor-Leste no Austrália, inkluzivamente Darwin.

Hafoin ida ne’e, daudaun ne’e, Xefe Estadu ho delegasaun halo vizita ofisiál ba Menzies School of Health Research.

Jornalista  : Rafy Belo

Editora       : Julia Chatarina

iklan
iklan

Leave a Reply

iklan
error: Content is protected !!