iklan

DILI

CNE elabora planu estratéjiku hodi guia instituisaun ho di’ak

CNE elabora planu estratéjiku hodi guia instituisaun ho di’ak

Prezidente Komisaun Nasionál Eleisaun (CNE, sigla portugés), José Agostinho da Costa Belo. Imajen Tatoli/Francisco Sony.

DILI, 12 setembru 2022 (TATOLI)—Prezidente Komisaun Nasionál Eleisaun (CNE, sigla portugés), José Agostinho da Costa Belo, hateten CNE presiza halo reflesaun hodi haree ba futuru tanba CNE elabora planu estratéjiku ida atu guia no bele kondús instituisaun ne’e ho di’ak.

“CNE presiza halo reflesaun ida hodi haree ba iha futuru, nune’e mak ita presiza iha planu estratéjiku ida atu guia no orienta ita, no bele kondús instituisaun ne’e ho di’ak,” Prezidente CNE ne’e hateten ba jornalista sira, hafoin halo partisipa workshop kona-ba elaborasaun estratéjiku CNE tinan 2023-2028, iha Salaun Laline, Lariguto, Dili, segunda ne’e.

Nia hatutan, planu estratéjiku la’ós ba komisáriu sira-ne’e maibé liu-liu ba funsionáriu sira iha instituisaun ne’e tomak, atu oinsá mak nia bele halo programa no serbisu ho di’ak ba eleisaun parlamentár no eleisaun suku iha 2023.

“Nune’e efetua mós la’ós de’it iha rai-laran maibé Timor-Leste mós sai membru ba iha organizasaun mundiál eleitorál ninian no membru permanente.

“Entaun ita tenke halo ona balansu ida ho modernu no ho vizaun ne’ebé mak estratéjiku, tanba ne’e mak ita labele halo mesak-mesak maibé ita presiza ema-ne’ebé mak iha méritu ba ida-ne’e mak Fasilitadór Joaquim Freitas,” nia dehan.

Nune’e, CNE realiza workshop kona-ba asuntu refere no sei apoiu mós hosi fasilitadór ne’e.

“Ohin sorumutu iha fatin ida-ne’e tanba CNE ninia ezisténsia no ita hakarak halo CNE ne’e sai kualidade hodi serve ba ita-nia demokrásia, entaun ita presiza ho halo di’ak no presiza haree ba kotuk uitoan, karik iha lakuna balun no iha mós prosesu balun ne’ebé mak ita tenke haforsa liután serbisu CNE,” nia dehan.

Nia mós halo ona planu estratéjiku STAE nian, nune’e fasil liután hodi halo iha CNE no planu estratéjiku ida-ne’ebé mak iha lakuna presiza haree.

“Agora dadauk ita haree uluk ita-nia planu estratéjiku ida kotuk liubá. Segundu, bele haree ba mudansa sira-ne’ebé iha rai barak, bele mós sai influénsia na demokrásia iha rai-laran, edukasaun sivika atu aproxima eleitór sira. Hosi planu estratéjiku ne’e sei hato’o ba ha Parlamentu Nasionál no Governu atu nune’e konkista ita-nia programa sira mak atrai,” nia dehan.

Fasilitadór Joaquim Freitas hateten, nia hetan konfiansa hosi CNE atu fasilita prosesu halo Planu Estratéjiku no prosesu ida-ne’e, CNC halo ona avaliasaun partidu polítiku sira ho stakeholder sira-ne’ebé mak relevante, tanba agora daudauk hela semana ida sira hamutuk atu halo analiza balun liga ba sira-nia serbisu.

Tanba, CNE hetan kna’ar halo supervizaun atu eleitór bele haree
fila-fali, nune’e iha planu atu hatuur fila-fali durante ne’e, ne’ebé mak seidauk funsiona ho di’ak. Planu estratéjiku ne’e atu hatuur bele iha enkuadramentu lójika ida ho nia baze iha rezultadu, depois hala’o atividade.

“CNE hatene ona rezultadu ne’ebé mak nia atu atinje tempu médiu mai,” nia dehan.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!