iklan

DILI, POLÍTIKA

Komisaun B hein relatóriu kazu ema mate iha sela detensaun polísia

Komisaun B hein relatóriu kazu ema mate iha sela detensaun polísia

Prezidente Komisaun B (Negósiu Estranjeiru, Defeza no Seguransa), José Agostinho Sequeira ‘Somotxo’, Imajen/Dok.Tatoli

DILI, 12 setembru 2022 (TATOLI)—Komisaun B trata asuntu Negósiu Estranjeiru, Seguransa no Defeza, iha Parlamentu Nasionál (PN), hein relatóriu hosi autoridade relevante ba kazu sidadaun ida ne’ebé foin lalais mate ho kondisaun fiu eletrisidade iha kakorok, iha sela polísia Komandu PNTL, munisípiu Dili.

“To’o agora ami sei resesu, loron hira tan sei tama fali servisu normál (iha 15 setembru termina resesu) no komisaun seidauk simu relatóriu ruma  ne’ebé tenke iha relatóriu, nune’e komisaun B bele halo analiza ho Ministéiru Interiór ho Kamandante Jerál PNTL. Konserteza, ha’u telefone ona sira haree relatóriu ida-ne’ebé relata ba akontesimentu ne’e, tanba saida mak nia mai tama sela depois mate iha sela laran,” Prezidente Komisaun B, José Agostinho Sequeira ‘Somotxo’, ba jornalista sira iha Parlamentu Nasionál, segunda ne’e.

Nune’e, komisaun kontinua hein relatóriu hosi parte kompetente no iha tempu hanesan sei bolu mós hodi bele mai esplika direta ba Deputadu sira iha komisaun, ne’ebé kazu ne’e iha ona autoridade sira-nia parte sei hala’o investigasaun.

Mezmu komisaun haree situasaun ne’e fó hanoin polítika ho realidade ne’ebé akontese maibé analiza laboratóriu no investigasaun Polísia Sientífiku Investigasaun Kriminál (PSIK) no ekipa konjunta Komandu nian presiza relatóriu agora mate oinsá ne’e presiza hatene

“Presiza relata hotu, nune’e públiku bele hatene se ida-idak defende nia an hanesan vítima nia família rua/konforme, kuandu laiha investigasaun ita ida-idak defende ita-nia an,” nia drehan.

Jornalista : Nelson de Sousa

Editór        : Cancio Ximenes

iklan
iklan

Leave a Reply

iklan
error: Content is protected !!