EDUKASAUN, COVALIMA

Edukasaun Covalima finaliza ona verifika dokumentu profesór na’in-256

Edukasaun Covalima finaliza ona verifika dokumentu profesór na’in-256

Diretòr Servisu Edukasaun Munisípiu Covalima, Rui Suni Seran,imajen tatoli/Celestina Teles.

COVALIMA, 13 setembru 2022 (TATOLI)–Diretór Servisu Edukasaun Munisípiu Covalima, Rui Suni Seran, hateten sira-nia parte finaliza ona halo verifikasaun ba dokumentu hosi profesór na’in-256 ne’ebé aplika ba vaga ne’ebé fó sai hosi Ministériu Edukasaun Juventude no Desportu (MEJD).

“Ami finaliza ona halo verifikasaun ba dokumentu profesór sira iha fulan agostu tinan 2022, maibé atu fó sai nia rezultadu hein de’it desizaun hosi Ministériu Edukasaun Juventude no Desportu (MEJD),” Rui Suni Seran informa ba Agência Tatoli, iha nia kna’ar fatin, Santa Rosa, tersa ne’e.

Bazea ba dadus ne’ebé servisu edukasaun Covalima fó sai profesór hamutuk na’in-272, maibé hosi númeru ne’e profesór na’in-256 mak submete de’it sira-nia dokumentu ne’ebé finaliza ona halo verifikasaun ba sira-nia dokumentu restu ne’ebé la submete sira-nia dokumentu

Ministériu Edukasaun Juventude no Desportu (MEJD) fó sai vaga liuhosi Servisu Edukasaun Munisípiu Covalima, presiza de’it profesór na’in-75, maibé profesór na’in-256 mak submete ona sira-nia dokumentu,

“Nu’udar juri ba profesór na’in-76, dadus verifikadu hosi 2007 to’o 2016 entaun halo selesaun sira foti dadus ne’e, ha’u seidauk asume kargu diretór. Hafoin aprezenta dadus sira-ne’e hodi fó sai naran, hodi halo verifikasaun katak profesór ne’e hahú hanorin iha tinan 2013 ne’e loos entaun pasa kontinua verifika bazea ba vaga ne’ebé fó sai,” nia informa.

Profesór sira-ne’ebé mak submete ona sira-nia dokumentu ba servisu edukasaun munisípiu Covalima ne’e, sei la tuir teste maibé halo de’it selesaun ba sira-nia dokumentu.

Tuir kritéria, juri sei haree ba profesór sira-nia durasaun servisu hanesan profesór sira-ne’ebé hahú hanorin iha tinan 2007 to’o 2017, maibé ba sira-ne’ebé foin hahú hanorin iha tinan 2018 mai oin entaun pasiénsia tenke hein tempu seluk maibé haree mós bazea ba nesesidade eskola nian.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!