iklan

EDUKASAUN, BAUCAU, HEADLINE, MUNISÍPIU

ESG Don Carlos kontinua iha faze konstrusaun

ESG Don Carlos kontinua iha faze konstrusaun

Konstrusaun ESG Dom Carlos Filipe Ximenes Belo ne’ebé lokaliza iha suku Afaça, postu administrativu Quelicai, munisípiu Baucau. Imajen espesiál.

BAUCAU, 13 setembru 2022 (TATOLI) – Prosesu konstrusaun Eskola Sekundária Jerál (ESG, sigla portugés) Don Carlos Filipe Ximenes Belo, kontinua iha prosesu konstrusaun liuhosi programa konstrusaun no reabilitasaun eskolár (PKRE).

Koordenadór ESG Don Carlos Filipe Ximenes Belo, Carlos Ximenes Filipe, esplika, iha inísiu fulan-setembru parte eskola realiza asinatura kontratu no hein pagamentu orsamentu konstrusaun ba faze daruak nian hosi Ministériu Edukasaun, Juventude no Desportu (MEJD).

“Foin mak serbisu kontinua maibé orsamentu faze daruak seidauk sai tanba ne’e mak serbisu tarde,” nia informa ba Tatoli liuhosi telefónika, tersa ne’e.

Konstrusaun eskola refere hamutuk sala aula tolu, ekritóriu ida no toilet ida, ne’ebé daudaun ne’e atinje ona 30%, ne’ebé finaliza ona fondasi, batako, sinta-leten no sei kontinua monta odamatan no janela ne’ebé gasta tótal orsamentu hamutuk $125.450,86.

Parte dirijente eskola deside halo dívida iha loja materiál konstrusaun besik rihun $3 hodi kontinua obra refere.

Carlos Ximenes argumenta, maske tarde maibé garante konstrusaun eskola refere sei finaliza nune’e estudante sira bele utiliza ba prosesu aprendijazen.

ESG Don Carlos Filipe Ximenes Belo rejista totál estudante hamutuk 120, komposta hosi mane na’in-70, feto na’in-50 no manorin-na’in hamutuk 17 komposta hosi permanente na’in-rua no voluntária na’in-15.

Jornalista : Natalino Belo

Editór        : Evaristo Soares Martins

iklan
iklan

Leave a Reply

iklan
error: Content is protected !!