iklan

EDUKASAUN, COVALIMA

Estudante na’in-2.812 iha Covalima sei partisipa ezame nasionál

Estudante na’in-2.812 iha Covalima sei partisipa ezame nasionál

Estudante sira simu Prezidente Republika, Francisco Guterres Lú Olo bainhira vizita ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen TATOLI/Eugénio Pereira.

COVALIMA, 13 setembru 2022 (TATOLI)–Diretór Servisu Edukasaun Munisípiu Covalima, Rui Suni Seran, informa estudante ensinu báziku, ensinu sekundáriu jerál no ensinu tékniku vokasionál iha Covalima hamutuk na’in-2.812 sei partisia ezame nasioná, iha fulan outubru 2022.

“Ita-nia estudante finalista iha munisípiu Covalima ne’ebé atu partisipa iha ezame nasionál hamutuk 2.812. Hosi númeru ne’e, estudante sira mai hosi ensinu báziku, ensinu sekundáriu jerál no ensinu tékniku vokasionál,” Rui Suni Seran relata ba Agência Tatoli iha nia kna’ar fatin, Santa Rosa, tersa ne’e.

Bazea ba kalendáriu nasionál, estudante sira sei hala’o ezame nasionál hahú iha loron 24 fulan-outubru tinan 2022 to’o ramata.

Preparasaun ba ezame nasionál tinan 2022 ne’e, nia informa, kandidatu sira hosi kada eskola hatama ona sira-nia númeru kandidatu estudante sira.

Estudante ne’ebé atu tuir ezame nasional iha munisípiu Covalima mak hanesan estudante sira hosi ensinu báziku na’in-1.761, ensinu sekundáriu jerál na’in-800 no ensinu tekniku vokasionál estudante hamutuk na’in-251

Jornalista : Celestina Teles          

Editór       : Cancio Ximenes

iklan
iklan

Leave a Reply

iklan
error: Content is protected !!