iklan

EKONOMIA, HEADLINE

MTKI loke ona konkursu hadi’a gazebo iha Areia Branca

MTKI loke ona konkursu hadi’a gazebo iha Areia Branca

Paisajen iha rai-henek mutin Cristo Rei. Imajen Tatoli/Egas Cristóvão

DILI, 13 setembru 2022 (TATOLI)—Ministériu Turizmu Komérsiu no Indústria (MTKI) daudaun ne’e loke ona konkursu públiku atu hadi’a gazebo iha Areia Branca.

“Tinan kotuk ita hadi’a ona uma kazebo iha parte Cristo Rei nian no daudaun ita loke fali konkursu foun ba kompañia besik fulan-ida ona atu hadi’a fali ba uma gazebo iha Areia Branca nian no dalan trotoár inklui hadi’a mós hariis-fatin ida. agora ami hein kompañia sira aplika hotu mak foin haree manán na’in hodi hadi’a,” Diretór Jerál Turizmu hosi MTKI, Jelino Soares, hateten ba Agência Tatoli, iha ninia knaar fatin, Farol, tersa ne’e.

Nia dehan, bainhira iha ona kompañia manán-na’in, tuir planu sei hadi’a iha tinan ida ne’e nia-laran.

“Kona-ba orsamentu atu hadi’a uma gazebo ne’e rasik agora iha hela prosesu konkursu, hein kompañia manán iha ona mak ita foin hatene montante orsamentu,” nia akresenta.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!