iklan

DESPORTU, DILI, HEADLINE

SEJD no KRAM planu kria lei regula Grupu Arte Rituál

SEJD no KRAM planu kria lei regula Grupu Arte Rituál

Prezidente Komisaun Reguladora Arte Marsial (KRAM), Octavio da Conceição "Anus". Imajen Tatoli/Francisco Sony.

DILI, 13 setembru 2022 (TATOLI)— Prezidente Komisaun Reguladór Arté-Marsiál (KRAM), Octávio da Conçeição, hateten KRAM sei hamutuk ho Sekretária Estadu Juventude no Desportu (SEJD), atu kria lei regula Grupu Arté Rituál (GAR), hodi garante pás no estabilidade.

Daudaun ne’e, SEJD hamutuk ho KRAM hanoin hela atu altera lei númeru 5/2017, hodi hafahe tiha Grupu Arté Rituál, Armas Branca no Grupu Arte Marsiál (GAM) iha pakote elaborasaun lejizlásaun ida própriu hodi liga ba kompeténsia komandu Polísia Nasionál Timor-Leste.

“KRAM hamutuk ho SEJD agora hanoin hela primeiru atu halo lei ba arté-rituál presija estudu no peskiza ida hodi hatene natureza jurídika loloos ba arté-rituál ne’e, atu koloka iha ne’ebé, SEJD ne’e haree liuba atividade sira arte-marsiál ka arté-rituál sira ne’ebé mai ho zinástika ka jurus bela diri mak ita foin bele regula,” dehan Octavio ba Agência TATOLI iha edifisiu KRAM Dili, segunda ne’e.

KRAM sei halo estudu kle’an ida relasióna ho Grupu Arte Rituál (GAR) tanba sira laiha  posizaun ka jurus, maibé grupu ne’e prátika de’it serimónia rituál.

“Agora, Grupu Arté Rituál sira laiha jurus, sira iha rituál liuhosi meiu serimónia tradisiónál ka kura ema ho ai-kulit, ai-abut, bua-malus ne’e ita atu regula halo lei ba sira, Ita bele halo maibé presiza estudu ida ne’ebé kle’an, atubele koloka sira iha pozisaun ida ne’ebé sira merese atu hetan,” katak.

Daudaun ne’e, nia dehan tau ona planu atu ko’alia mós ho Ministériu relevante sira tanba haree ba istória pasadu arté-rituál sira nian, ne’e kontribui maka’as ba prosesu ukun rasin-aan.

Daudaun, KRAM ho SEJD hanoin hela atu ko’alia ho Ministériu Asuntu Kombatente Libertasaun Nasionál, Sekretária Estadu Arté no Kultura ho SEJD, atu koloka GAR.

“Tanba Grupu Arte Rituál sira ne’e iha pasadu kontribui hamutuk ho komandu FALINTIL, liuliu ho kaixa klandestina kontribui ba prosesu luta ba libertasaun patria nian, atu haree loloos karik sira hakarak koloka ba ho sira-nia istória pasadu nian entaun koloka sira ba iha Ministériu Asuntu Kombatente Libertasaun Nasionál mak halo lei ba sira, maibé karik sira hakarak ba rituál no kulturál entaun tenke ba iha Sekretária Estadu Asuntu Kulturál,” katak nian.

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!