iklan

COVALIMA, POLÍTIKA, SAÚDE

Servisu saúde Covalima distribui ona ai-moruk ba sentru saúde sira

Servisu saúde Covalima distribui ona ai-moruk ba sentru saúde sira

Xefe Programa Servisu Saùde munisípiu Covalima, Agapito de Jesus. Imajen Tatoli/Celestina Teles

COVALIMA, 13 setembru 2022 (TATOLI)–Xefe Departamentu Programa Saúde Munisípiu Covalima, Agapito de Jesus, informa iha semana kotuk Servisu Saúde Munisípiu Covalima distribui ona ai-moruk ba sentru saúde sira bazea ba sira-nia nesesidade.

“Iha semana kotuk ami distribui ona ai-moruk ba sentru saúde sira iha munisípiu Covalima bazea ba sentru saúde sira-nia nesesidade,” Xefe Departamentu Programa Saúde ne’e hateten ba Agência Tatoli iha nia kna’ar fatin, Suku Camanasa, tersa ne’e.

Hafoin halo distribuisaun ai-moruk ba sentru saúde sira, xefe departamentu programa mós fó ona orientasaun ba responsavél farmasia iha sentru saúde hotu, lorokoraik  atu update informasaun kona-ba estoke ai-moruk ba xefi sentru saúde sira.

Ho nune’e, evita xefe sentru saúde sira bele fó sai informasaun ba mídia hanesan foin lalais xefe sentru saúde sira balun kestiona katak estoke ai-moruk esensiál balun hahú menus ona maibé realidade lae.

“Sentru saúde balun kestiona kona-ba laiha ai-moruk esensiál balun maibé ami halo konfirmasaun ne’e, realidade estoke ai-moruk esensiál iha sentru saúde sei iha. Tanba de’it falla iha komunikasaun entre xefe sentru saúde ho responsável farmasia sira-ne’ebé la update informasaun kona-ba estoke aimoruk iha farmasia,” nia dehan.

Tanba ne’e, nia dehan, estoke ai-moruk esensiál iha armajen Suai estoke sei natoon hela atu bele atende komunidade hanesan kestiona tipu ai-moruk Paracetamal, Amoxilin no Xarope.

“Ha’u ko’alia ona ho xefe sentru saúde sira atu  labele halo miskomunikasaun ami forma ona grupu WhatsApp lorokraik  relata informasaun estoke ai-moruk iha farmasia sentru saúde sira, nune’e  tipu ai-moruk estoke labele hotu no mós bele hatene tuir tipu ai-moruk sira iha farmasia,” nia hateten.

Razaun responsável update informasaun estoke ai-moruk ba xefe sentru saúde, nune’e sira bele hato’o mai iha xefe programa atu bele hatene tuir estoke ai-moruk iha sentru saúde sira, estoke ai-moruk ne’ebé mak sei dada fali hosi distribui ba sentru saúde sira seluk ne’ebé mak presiza

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!