iklan

COVALIMA, POLÍTIKA

Konsellu konsultivu diskute no aprova ekipa task force-perfil munisípiu Covalima

Konsellu konsultivu diskute no aprova ekipa task force-perfil munisípiu Covalima

Membru konsellu konsultivu Munisipal partisipa enkontru iha salaun Administrasaun Munisípiu Covalima (AMC). Imajen Tatoli/Celestina Teles.

COVALIMA, 14 setembru 2022 (TATOLI)–Administrasaun Munisípiu Covalima (AMC) liuhosi reuniaun konsellu konsultivu munisipal ne’ebé lidera hosi reprezentante Prezidente Asembleia Konsellu Konsultivu Munisipál, Francisco de Jesus Alves, hodi diskute no halo aprovasaun ba ekipa task force jestaun ijiene no orden públiku no perfil munisípiu Covalima.

“Iha reuniuan ne’e ita sei diskute no halo aprovasaun ekipa task force jestaun ijiene orden públiku no aprova  perfil munisípiu Covalima tanba partisipasaun membru konsellu konsultivu munisipál na’in-39 mak partisipa,” Francisco de Jesus Alves  hateten ba jornalista sira, iha salasaun AMC, Sukaer Laran, kuarta ne’e.

 Atu realiza reuniaun konsellu munisipál tenke prenxe 50% hosi pesoál na’in-51 ne’ebé mak sai hanesan membru konsellu konsultivu, maibé ohin loron partisipante na’in-39 entaun  prenxe  korum.

Bazea ba dekretu-lei númeru 3/2016, segundu alterasaun dekretu-lei númeru 54/2016, artigu 42 funsionamentu enkontru munisipál fulan neen (6) realiza dalaida entaun tinan ida dala-rua ne’ebé sei realiza iha fulan jullu no fulan dezembru.

Reuniaun konsellu konsultivu munisipál ne’e atu diskute asuntu ruma iha munisípiu bele mós haree liu-liu kona-ba dezenvolvimentu munisipál no sosio ekonomia munisípiu no la taka dalan atu diskuti asuntu extraordináriu asuntu ne’ebé importante atu bele ko’alia liga ho komunidade sira.

“Asuntu ne’ebé ita deside hanesan dezenvolvimentu munisípiu iha programa integradu dezenvolvimentu munisipál no asuntu ne’ebé liga ho komunidade hodi la apar ho sira-nia hanoin no hakarak bele hato’o sira-nia ideia no rekomendasaun liuhosi forum ida-ne’e,” nia dehan.

Tanba, kada postu administrativu iha sira-nia reprezentante sai hanesan membru konsellu administradór munisípiu Covalima mak sai prezidente asembleia sekretáriu munisípiu,  diretór munisipál no xefe suku, joven na’in-rua no líder partidu polítika mak sai hanesan membru.

Ho razaun, tuir nia, atu hato’o komunidade nia lamentasaun bele aprezenta no debate hamutuk iha-ne’e hodi foti desizaun iha forum bainhira desizaun la kondis ho kondisaun, povu hato’o sira-nia ideia liuhosi sira-nia reprezentante.

Hafoin partisipa hanesan membru konsellu konsultivu iha tempu pasadu progresu lubuk mak hala’o ona iha situasaun COVID-19 bainhira nasionál hatun lei, haforsa ho dezisaun konsellu konsultivu munisipál bainhira labele aprezenta liuhosi PDIM hodi deside hamutuk aprova iha fatin ida-ne’e

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!