DILI, POLÍTIKA

PR Horta delega Xanana Gusmão partisipa simeira internasionál iha ONU

PR Horta delega Xanana Gusmão partisipa simeira internasionál iha ONU

Prezidente Repúblika, José Ramos Horta, akompana Xanana Gusmão dezloka ba Estadu Unidu Amérika. Imajen/Midia PR.

DILI, 14 setembru 2022 (TATOLI)—Prezidente Repúblika (PR), José Ramos Horta, delega Líder Nasionál, Kay Rala Xanana Gusmão, reprezenta Estadu Timor-Leste partisipa simeira internasionál kona-ba edukasaun ne’ebé sei hala’o iha Organizasaun Nasaun Unida (ONU) iha  19 setembru 2022.

“Loos, Xanana Gusmão ba simeira ida importante, simeira kona-ba edukasaun iha loron 19 iha ONU. Tanba ha’u iha kompromisu iha ne’e, ha’u husu ba Xanana Gusmão, nune’e bele reprezenta Estadu Timor-Leste, reprezenta Prezidente Repúblika,” Xefe Estadu ne’e hateten liuhosi nota ne’ebé Agéncia TATOLI asesu, kuarta ne’e.

Simeira mundiál kona-ba edukasaun ne’e sei partisipa hosi Xefe Estadu no Ministru Negósiu Estranjeiru hosi nasaun hotu-hotu.

Tuir Xefe Estadu, Xanana Gusmão sei atende resepsaun iha loron 20 fulan setembru ho Prezidente Estadu Unidu Amérika, Joe Biden.

Hafoin ramata simeira mundiál edukasaun iha Nasaun Unidas, Xanana Gusmão akompaña hosi Ministra Negósiu Estranjeiru sei dezloka ba Portugál hodi atende enkontru balun iha Lisboa.

Xanana Gusmão, kuarta ne’e, dezloka ba rai-li’ur ho aviaun Citilink no sei fila hikas mai Timor-Leste iha 05 outubru 2022.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!