iklan

HEADLINE, SAÚDE

MS planu sosa ekipamentu kardiolojia hodi redús transfere pasiente bá diáspora

MS planu sosa ekipamentu kardiolojia hodi redús transfere pasiente bá diáspora

Vise-Ministru Saúde, Bonifácio Maucoli dos Reis. Imajen Tatoli/Francisco Sony

DILI, 16 setembru 2022 (TATOLI)—Vise Minsitru Saúde, Bonifacio Maucoli dos Reis, hateten, tempu badak ekipa tékniku hosi Ministériu Saúde no IHeal Malázia halo diskusaun atu sosa ekipamentu kardiolojia cath lab hodi halo tratamentu iha rai-laran.

Daudaun, ekipamentu kardiolojia instala ona iha Hospitál António de Carcalho Lahane, maibé seidauk kompletu. Tanba ne’e iha loron 26 setembru 2022, ekipa tékniku husi iHeal Malázia halo diskusaun ba segunda fase ho Ministériu saúde atu halo akizasaun ba cath lab.

Bainhira instala ona, nia dehan pasiente sofre kardiovaskular la presiza ba rai li’ur hod halo tratamentu saúde, maibé pasiente moras fuan bele halo tratamentu iha ne’e.

“Ita haree kazu ne’ebé mak presiza transefere ba rai liur mak bá, maibé haree ba ita nia ekipamentu bele halo, ita halo iha ne’e. Tanba ita hatene katak mortalidade ba moras la hada’et aas liuliu mak pasiente sofre koardiovaskular, nia afirma.

Hospitál Lahane hanesan fatin espesífiku ba pasiente moras kankru no moras fuan, no médiku espesialista ba área rua sufisiente, maibé sub-espesiálista mak Ministériu Saúde sei kontratu  ho iHeal medical center atu sira mai ajuda.

“Ekipa tékniku iHeal sira atu apoiu tékniku no akompaña ita nia espesiálista sira durante tinan lima ka neen, bainhira ita bele ona ho ita nia rekursu rasik. Tanba la’e kada tinan ita gasta kustu ida ne’ebé mak bo’ot tebes,” katak.

Tanba, anualmente Governu gastu  millaun $12-resin to’o iha duvida tan Hospitál sira iha rai li’ur.

“Ita durante transfere moras ba rai li’ur ne’e tanba ita la preparadu, nune’e ita atu reduz mak tenke investe iha rekursu umanu no ekipamentu,” nia afirma.

Jornalista : Felicidade Ximenes

Editór      : Florencio Miranda Ximenes

iklan
iklan

Leave a Reply

iklan
error: Content is protected !!