iklan

COVALIMA, POLÍTIKA

Kargu xefia-funsionáriu públiku iha Covalima menus kuñesimentu utiliza komputadór

Kargu xefia-funsionáriu públiku iha Covalima menus kuñesimentu utiliza komputadór

Administradór Munisípiu Covalima, Francisco de Andrade. Imajen Tatoli/Celestina Teles

COVALIMA, 19 setembru 2022 (TATOLI)—Administradór Munisípiu Covalima, Francisco Andrade hateten, kargu xefia no funsionáriu sira iha covalima menus kuñesementu utiliza  komputadór, tanba  halimar de’it telemovél.

“Ha’u la’o no observa hela diretór ho xefe departamentu barak bainhira komputadór iha sira-nia oin sira la utiliza komputadór halimar de’it telefone no ha’u haruka sira loke kompatadór mós sira sei labele loke komputador,” Francisco Andrade hato’o liuhosi nia diskursu, iha salaun Centro Comunidade Covalima (CCC) Kampung Baru, segunda ne’e.

Autoridade ne’e husu tulun ba Komunidade Autralianu hodi fó kapasitasaun ba funsionáriu sira liu-liu diretór no xefe departamentu sira, tanba diretór no xefe departamentu balun menus kuñesimentu utiliza komputadór.

Tanba ne’e, hanesan autoridade Covalima servisu hamutuk ho Centro Comunidade Covalima fó formasaun komputadór ba kargu xefia no funsionáriu sira iha Covalima.

“Ita realiza formasaun ne’e ema hotu ko’alia rame oinsá bele simu desentralizasaun. Tuir ha’u-nia hanoin bainhira ami simu ona dezentralizasaun ami-nia rekursu umanu mak ida-ne’ebé. Kursu ne’e la fasil bainhira buka matenek lahó gratuita tenke gasta osan maibé agora gratuita,” nia dehan.

Funsionáriu-sira tenke tuir kursu kompatadór ho sériu,  atu atribui sertifikadu tenke liuhosi teste foin bele atribui sertifika bainhira tuir teste ne’e liu mak foin simu sertifikadu, maibé se la liu formasaun mak sei la atribui sertifikadu.

Tanba instituisaun la’ós uma mizerekordia katak fatin ne’ebé atu tane liman de’it maibé tenke fó buat ruma ba instituisaun hodi servi públiku.

“Ha’u lakohi funsionáriu kazoál matenek liu utiliza komputadór liu funsionáriu permanente iha tempu badak sei indika sé de’it atu halo aprezentasaun tenke tuir kursu ho sériu,” nia hateten.

Diretor Centro Comunidade Covalima, Alberto de Jesus Barros reforsa, matéria ne’ebé   formadór sira hanorin ba kargu xefia no funsionáriu públiku sira mak hanesan programa internet báziku, word, Excel, power point no seluk tan.

Formasaun ne’e hala’o semana ida dala rua (2) durante oras rua ba programa sira hanesan internet báziku, word, excel, power point, kursu durante fulan ida-resin ne’ebé sei ramata iha fulan novembru.

“Hafoin ramata formasaun ne’e, sei fó teste ba funsionáriu ne’ebé durante tuir formasaun  bainhira pasa iha teste amak tribui sertifikadu ba sira maibé se la pasa, ami sei kontinua hanorin sira maibé depende desizaun hosi administrasaun munisípiu Covalima,” nia dehan.

Tuir dadus, kargu xefia no funsionáriu públiku sira-ne’ebé tuir formasaun durante fulan ida-resin ne’e hamutuk na’in-42.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!