BAUCAU, DEFEZA, HEADLINE, MUNISÍPIU, SEGURANSA

Komandu F-FDTL sei halo rekrutamentu rejime espesiál iha 2023

Komandu F-FDTL sei halo rekrutamentu rejime espesiál iha 2023

Xefe Estadu Maiór Jenerál F-FDTL, Falur Rate Laek. Imajen Tatoli /Egas Cristovão.

BAUCAU, 20 setembru 2022 (TATOLI) – Komandu FALINTIL-Forsa Defeza Timor-Leste (-FDTL) sei halao rekrutamentu rejime espesiál ba membru foun iha tinan 2023.

Xefe Estadu Maiór F-FDTL, Tenente Jenerál, Domingos Raul ‘Falur Rate Laek’, esplika, planu rekrutamentu rejime espesiál refere ne’ebé tuir tarjetu sei foka ba pesoál nível edukasaun altu hanesan doutoramentu, jurista, tékniku, formandu iha área finansa nune’e bele dezenvolve di’ak liután institusaun F-FDTL.

“Sira mai atu fó ein-faze maka’as ba avansu forsa nian,” Xefe Estadu Maiór F-FDTL hateten iha komponente Terrestre Lanud Baucau, tersa ne’e.

Rekrutamentu refere sei hala’o ba idade avansadu mínimu tinan-30 ba leten no sei tuir formasaun bázika hanesan regulamentu disiplina militár, regulamentu uniforme, kontinénsia onra no regulamentu jerál serbisu unidade nune’e sei hetan diviza nu’udar ofisiál hodi halao knaar hanesan tékniku profisionál.

Jenerál fitun-tolu ne’e iha esperansa durante nia mandatu lidera sei dezenvolve di’ak liután institusaun F-FDTL hanesan aumentu membru hanesan komponente terrestre, aumenta to’o brigade ida, navál presiza halo destakamentu rua nune’e bele balansu ho diviza militár iha institusaun.

Entertantu, ohin kadetes na’in-600 hahú halao fromasaun durante fulan-tolu iha sentru formasaun no treinamentu F-FDTL Metinaro.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!