BAUCAU, DEFEZA, HEADLINE, MUNISÍPIU, POLÍTIKA, SEGURANSA

Komandu F-FDTL sei konsulta hafoin nomea Xefe Casa Militár foun

Komandu F-FDTL sei konsulta hafoin nomea Xefe Casa Militár foun

Xefe Estadu Maiór F-FDTL, Tenente Jenerál Falur Rate Laek. Imajen Tatoli/Francisco Sony

BAUCAU, 20 setembru 2022 (TATOLI) – Komandu FALINTIL- Forsa Defeza Timor-Leste (Falintil-FDTL) sei konsulta ho Prezidente Repúblika hafoin deside nomeasaun kargu Xefe Casa Militár ba Palásiu Prezidensiál hodi subtitui Tenente Koronél Renilde Guterres Cortereal e Silva.

Xefe Estadu Maiór -FDTL, Tenente Jenerál, Domingos Raul ‘Falur Rate Laek’, esplika, mudansa pozisaun Xefe Casa Militár Prezidente Repúblika la’ós tanba rezigna maibé tanba orden nune’e sei konsulta interna iha komandu liuhosi dirijente rekursu umanu hodi superviziona tuir proposta hosi Prezidente Repúblika.

“Sei halo diálogu ho Prezidente Repúblika tanba prezidente hakarak veteranu ida entaun sei halo diálogu hodi buka solusaun ba problema kona-ba xefe casa militár,” Xefi Estadu Maiór Jenerál F-FDTL hateten iha komponente Terrestre Lanud Baucau, tersa ne’e.

Jenerál Fitun tolu ne’e konsidera desizaun nomeasaun  ba pozisaun Xefe Casa Militár nu’udar desizaun koletiva hanesan presiza tetu proposta hosi Prezidente Repúblika no koordena internalmente iha komandu.

Ante ne’e, Komandu F-FDTL nomea Koronél Renilde Guterres Cortereal e Silva hodi assume knaar nu’udar xefe casa militár iha Palásiu Prezidente Repúblika iha loron kuarta, 24 fulan-maiu 2022.

Desizaun refere bazea ba despaxu númeru 008/CEMGFA/F-FDTL/2022 tuir dekreitu-lei númeru 33/2022 fulan-setembru kona-ba estatutu foun FALINTIL-FDTL nian.

Jornalista sira tenta  konfirma kestaun ne’e ba Prezidente Repúblika, José Manuel Ramos Horta, iha Dili, Dili, tersa ne’e, maibé seidauk fó resposta.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!