COVALIMA, EKONOMIA, POLÍTIKA

Governu observa fatin estabelese merkadu tradisionál iha fronteira Covalima

Governu observa fatin estabelese merkadu tradisionál iha fronteira Covalima

Sekretáriu Estadu Kooperativa (SECoop), Elizariu Ferreira, akompañadu hosi administradór Fatumea observa fátin atu estabelese merkadu iha fronteira iha Fatumea. Imajen Tatoli/Celestina Teles.

COVALIMA, 21 setembru 2022 (TATOLI)–Governu liuhosi Sekretáriá Estadu Kooperativa (SECoop, sigla portugés) observa fatin atu estabelese merkadu tradisionál iha fronteira, munisípiu covalima.

Governante ne’e esplika, durante nia prezensa iha Covalima ne’e, bainhira simu konvite espesiál hosi autoridade Covalima atu vizita postu Fatululik, Fatumea no Tilomar ho razaun SECoop iha programa atu estabelese merkadu iha fronteira.

“Ha’u mak vizita mai iha postu administrativu Fatululik, Fatumea no Tilomar ne’e, bainhira hetan konvite espesiál hosi administradór munisípiu Covalima tanba SECoop iha programa atu estabelese merkadu ba fronteira,” Elizariu Ferreira hato’o ba jornalista sira iha postu administrativu Fatululik, suku Taroman, kuarta ne’e.

Sekretáriu Estadu Kooperativa (SECoop), Elizariu Ferreira, akompañadu hosi administradór Fatumea observa fátin atu estabelese merkadu iha fronteira iha Fatumea. Imajen Tatoli/Celestina Teles.

Durante halo observasaun, membru governu ne’e nota katak populasaun Timor-Leste no Indonézia iha kooperasaun ne’ebé di’ak, liu-liu kona-ba seguransa Unidade Polísia Fronteira (UPF) ho Tentara Nasional indonesai (TNI) iha relasaun amizade ne’ebé di’ak tebes.

Nune’e, programa atu estabelese merkadu iha fronteira sai programa priorídade ba Governu atu bele asegura bein-estar populasaun nian espesífiku komunidade rai rua, nune’e ba oin sai merkadu ida-ne’ebé nakonu ho pás no asegura turizmu nasionál no internasion”al

Mekanizmu atu estabelese merkadu iha fronteira ne’ e, membru kooperativa mak sai hanesan autor estabelesimentu ba merkadu no loja kooperativa mak sei asegura jestaun no membru kooperativa sira sei ofrese produtu lokál iha loja.

Administradór postu Fatumea, Geraldo Orleans hateten, SECoop nia prezensa iha Fatumea observa liña fronteira atu estabelese merkadu tradisionál iha fronteira no hasoru malu ho membru kooperativa no konsellu suku sira.

Tanba, tuir nia, estabelese kooperativa hari hosi povu no nia benefisia ba fali povu bainhira ekonomia fronteira ladi’ak entaun komunidad sempre utiliza dalan illegal atu hala’o negósiu illegal.

“Ami koordena ho seguransa buka meiu hodi observa bainhira iha ona rezultadu pozitivu bele estabelese ona merkadu, nune’e bele hamenus komunidade ha;o negósiu liuhosi dalan ilegál “nia dehan.

Administradór postu Fatululik, José Afonso, enkoraja grupu kooperativa ne’ebé estabelese ona  tanba iha postu Fatululik ne’e iha grupu kooperativa ida funsiona ho di’ak.

Tanba ne’e, nia husu atu aumenta tan estabelese grupu kooperativa hodi fasilita komunidade tanba komunidade barak mak seidauk hatene kona-ba kooperativa.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!