NASIONÁL, POLÍTIKA

Arsebispu Peña Parra agradese PN aprova lei migrasaun no azilu

Arsebispu Peña Parra agradese PN aprova lei migrasaun no azilu

Vise Primeiru-Ministru Santa Sé, Arsebispu Edgar Peña Parra. Imajen Tatoli/Antonio Daciparu.

DILI, 22 setembru 2022 (TATOLI)-Vise Primeiru-Ministru Santa Sé ne’ebé substitui hosi Sekretária Estadu, Arsebispu Edgar Peña Parra, agradese ba Parlamentu Nasionál (PN) Timor-Leste ne’ebé aprova ona alterasaun dahuluk ba lei migrasaun no azilu.

Notísia Relevante: PN aprova ona alterasaun dahuluk ba lei migrasaun-azilu

“Ha’u hanoin katak ne’e notísia di’ak, tanba misionáriu sira halo servisu boot iha rai ida-ne’e. Horisehik ha’u hasoru Irmã sira kongregasaun Canossiana, Dominicana, Alma, entre sira barak liu mak ema timoroan maibé barak mós mai hosi fatin seluk ne’ebé mai Timor-Leste no sai hanesan rai nain iha rai ida-ne’e. Tan ne’e, ami agradese tebes ne’e hanesan notísia di’ak, espesiálmente ba rai ida-ne’e, ne’ebé bele kontinua partilla interelasaun misionáriu iha Asia no iha mundu tomak,” Arsebispu Edgar Peña Parra liuhosi konférensia imprensa ne’ebé halo iha Arkivu Muzeu Rezisténsia Timorense (AMRT), Díli, kinta ne’e.

Maske nune’e, antes ne’e Prezidente Komisaun B ne’ebé trata asuntu Negósiu Estranjeiru, Defeza no Seguransa, Deputadu José Agustinho Siqueria “Somotxo” esplika, inisiativa ba projetu-lei migrasaun noazilu ne’e mai hosi deputadu sira hosi komisaun refere.

Notísia Relevante: PPN agradese igreja-nia kolaborasaun iha alterasaun Lei Migrasaun-Azilu

“Primeira-alterasaun ba lei migrasaun no azilu no ho artigu ida de’it ho objetivu fó valor ba konkordata ne’ebé Governu Timor-Leste asina ho Santa Sé kona-ba vistu permanénsia. Tanba, iha konkorda iha artigu 21 ne’ebé ko’alia kona-ba vistu ba tempu naruk, maibé to’o ohin loron ita seida’uk tau iha prátika kona-ba vistu tempu naruk ba misionáriu katólika estranjeiru sira,” Prezidente Komisaun B ne’e katak.

Notísia Relevante: Komisaun B sei haree proposta alterasaun lei migrasaun no azilu

Jornalista : Nelia Fernandes

Editor       : Cancio Ximenes

iklan
iklan

Leave a Reply

iklan
error: Content is protected !!