BAUCAU, EKONOMIA, HEADLINE, MUNISÍPIU

Implemetasaun projetu Uma Kbiit Laek iha Baucau tarde

Implemetasaun projetu Uma Kbiit Laek iha Baucau tarde

Diretora PNDS munisípiu Baucau, Amélia Maria Viegas. Imajen Tatoli/Natalino Belo.

BAUCAU, 22 setembru 2022 (TATOLI) – Programa Nasionál Dezenvolvimentu Suku (PNDS) munisípiu Baucau konsidera implementasaun programa Uma Kbiit Laek (UKL) regulár faze daruak iha tinan-2022 tarde tanba kada suku mínimu uma-sia to’o 12.

Diretora PNDS Munisípiu Baucau, Amélia Maria Viegasm, esplika, programa UKL faze daruak iha ona etapa implementasaun hanesan iha faze kuotasaun no aprovizonamentu inklui asina kontratu badaen no kompañia fornesedór materiál konstrusaun.

“Implementasaun faze daruak tinan-2022 konsidera tarde tanba kada suku implementa uma sia too 12, kauza mós hosi tinan kotuk balun seidauk konklui no entrega, liuliu iha postu Baguia faze daruak seidauk la’o,” Diretóra PNDS Baucau hateten iha Vila Nova, kinta ne’e.

Progresu ne’ebé PNDS Baucau hala’o mak hanesan prosesu aprovizionamentu, kuotasaun no hahú iha ona faze asina kontratu ho badaen no kompañia fornesedór materiál konstrusaun no tuir planu sei hahú lansa iha tempu badak.

Dezafiu seluk mak, konsellu suku okupadu ho projeitu ne’ebé PNDS implementa iha tinan-2022 tanba benefisiáriu UKL aumenta nune’e ezije atu hotu-hotu serbisu nu’udar ekipa no esforsu atu implementa iha terrenu.

“Ho benefisiáriu nia uma balun ne’ebé seidauk asesu ba estrada sai impkatu ba implementasaun maibé nafatin esforsu,”Amélia Viegas akresenta.

Tuir planu PNDS sei lansa programa UKL tinan 2022 iha fulan-outubru hosi tótal uma hamutuk 553 iha suku 59, iha munisípiu Baucau tanba tenke aselera tuir kondisaun klima iha Baucau ne’ebé konsidera sai mós dezafiu ba implementasaun programa refere.

Autoridade Munisipal Baucau hetan alokasaun orsamentu hosi Programa UKL regulár ba tinan-2022 hamutuk $7.089,076.

Enterntantu, UKL faze dahuluk tinan 2021 iha Baucau nia progresu hamutuk 91,22%, hein konklui hosi benefisiáriu uma-kain 177 no seidauk finaliza hamutuk uma 20-resin iha postu Baguia tanba relasiona ho kondisaun estrada atu asesu transporta materiál.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!