COVALIMA, POLÍTIKA

PSGDN-parseiru diskute identifika kalendáriu akontese dazastre naturál iha Covalima

PSGDN-parseiru diskute identifika kalendáriu akontese dazastre naturál iha Covalima

Servisu Munisipal Protesaun Sivil no Jestaun Risku Dezastre Naturál no parseirus ervisu partisipa iha enkontru diskuti kalendáriu dezastre naturál. Imajen Tatoli/Celestina Teles.

COVALIMA, 22 setembru 2022 (TATOLI)–Administrasaun Munisipiu Covalima (AMC) liuhosi Servisu Munisipásl Protesaun Sivíl Jestaun Dezastre Naturál (PSGDN, sigla potugés)  hamutuk ho parseiru sira halo diskusaun hodi identifika kalendáriu tempu dezastre natural ne’ebé akonatese iha munusípiu covalima.

Servisu Munisipal Protesaun Sivil no Jestaun Risku Dezastre Naturál no parseirus ervisu partisipa iha enkontru diskuti kalendáriu dezastre naturál. Imajen Tatoli/Celestina Teles.

“Kalendáriu ne’ebé ohin ita diskute iha trimestre datoluk no rezultadu hosi enkontru trimestre daruak hamutuk ho parseiru sira, ita presiza identifika kalendáriu tempu dezastre naturál ne’ebé akontese iha komunidade iha nivél postu administrativu no suku,” Diretór Servisu Munisipál Protesaun Sivil Gestaun Dezastre Naturál, Quintino da Costa, hateten ba jornalista sira, iha salaun Centro Solidariedade Sosiál no Inkluzaun Covalima, Suai Loro, kinta ne’e.

Komité Distritál Jestaun Dezastre (DDMC, sigla potugés) halo identifikasaun ba área ne’ebé akontese dezastre naturál iha postu administrativu no suku sira-ne’ebé pertense iha munisípiu Covalima bazea ba rezultadu estabelese sentru dezastre naturál iha suku.

Identifika Kalendáriu la’ós tuur iha fatin mak hakerek maibé rezultadu servisu hosi halo enkontru  hodi  tuun ba terrenu no halo estudu ba suku sira-ne’ebé mak kada tinan sempre mosu dezastre naturál.

“Ita fó sai kalendáriu ba ita-nia parseiru sira iha fulan dezembru akontese udan no anin ne’ebé fó impaktu ba komunidade,” nia dehan.

Kalendáriu ne’ebé mak DDMC identifika bainhira funsionáriu sira tun ba terrenu halo entrevista ho lídera komunitária no komunidade hodi halo diskusaun atu forma komisaun jestaun nivél suku hodi buka hatene.

Bazea ba kalendáriu, iha postu administrativu Fohorem, Fatumea, Fatululik,Tilomar, Maucatar, Suai no Zumalai hahú iha fulan janeiru-fevreiru akontese anin boot, rai halai, peste ai horis no animal.

Iha fulan-marsu ne’e akontese dezastre natural hanesan anin-boot, rai halai, moras Infesaun Vias Respiratória Aguda (IRA), sau-batar no sau-nuu. Iha abríl ne’e akontese rai halai, moras Infesaun Vias Respiratória Aguda (IRA) no seluk tan.

Iha fulan-maiu ne’e akontese dezastre natural hanesan rai halai, iha juñu ne’e akontese dezastre natural hanesan peste ai-horis, fulan-agusto moras Infesaun Vias Respiratória Aguda (IRA),   IRA, iha setembru no outubru ne’e atividade kulturál no novembru-dezambrune ne’e akontese rai halai no anin boot .

Reprezentante administradór munisípiu Covalima, Francisco Tatamero, esplika autoridade Covalima fó apoiu ba Servisu Munisipál Protesaun Sivíl Jestaun no Dezastre Naturál no nia parseiru sira-ne’ebé hala’o servisu ba povu nia di’ak.

“Ami kontinua akompaña no apoiu  atividade ida-ne’e tanba alvu ba populasaun ne’ebé sei sai  afetadu, tanba ita-nia esforsu fó moris di’ak ba Estadu dirasaun no instituisaun hotu servisu di’ak ba nia povu,” nia hateten.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!