DILI, NASIONÁL, POLÍTIKA

SEII-GTJ identifika oportunidade-dezáfiu iha implementasaun programa promove igualdade jéneru

SEII-GTJ identifika oportunidade-dezáfiu iha implementasaun programa promove igualdade jéneru

Sekretária Estadu ba Igualdade no Inkluzaun (SEII), Maria do Rosário Fátima Correia. Imajen Tatoli/Francisco Sony.

DILI, 22 setembru 2022 (TATOLI)—Sekretária Estadu Igualdade no Inkluzaun (SEII), Maria do Rosario Fatima Coreia, dehan SEII halo enkontru ho Grupu Traballu kada ministeriál sira hodi identifika oportunidade no dezáfiu iha implementasaun programa no atividade sira hodi promove igualdade jéneru.

“Bazea ba rezolusaun 35/2019 fó kompeténsia mós ba liña ministeriál sira ho sekretáriu estadu atu elabora sira-nia orsamentu ba asuntu igualdade jéneru ba iha kada tinan ho programa no orsamentu,” Maria do Rosario Fatima Coreia dehan jornalista sira iha salaun Delta Nova, Dili, kinta ne’e.

Rezolusaun refere hodi hala’o sorumutuk atui organiza sorumutuk kada tinan ida halo dala rua iha fulan abril no outubru.

“Partisipante ne’ebé mak partisipa ne’e hosi liña ministeriál sira hanesan prezidente no diretór jerál inklui sira-ne’ebé mak iha kompeténsia atu elabora sira-nia orsamentu no programa atu tau mós asuntu igualdade jéneru no inkluzaun iha sira-nia planu rasik,” nia dehan.

Xefe Departamentu Abordajen Integradu Jeneru no Inkluzaun, Herminio Xavier, hateten kna’ar no responsablidade Grupu Trabalho Jéneru (GTJ) tuir Rejulusaun Governu numeru 35/2017 fulan-juñu kona-ba kriasaun no funsionamentu GTJ ho interministerial no GTJ munisipál hodi define kompeténsia sira-ne’ebé atribui ba membru GTJ sira.

Atu identifika oportunidade no dezafiu iha implementasaun programa no atividade sira hodi promove igualdade jeneru no inkluzaun, mak presiza partila no dezenvolve estratejia no instrumentu hodi asegura implementasaun no monitorizasaun abordajen integradu jéneru iha idak-idak nia ministériu, sekretáriu Estadu no instituisaun sira.

Atu garante Planu Asaun Anual (PAN) no orsamentu hosi lina ministeriál sekretária Estadu no ajénsia autónomu sira hotu no mós autoridade administrasaun munisipál sira-nia atu konsidera kestaun igualdade jéneru no inkluzaun.

Tuir artigu 10 iha rezulusaun Governu Nu 35/2017 fó kompeténsia no responsablidade ba SEII hodi organiza enkontru regular ho GTJ liña ministeriál ho objetivu atu asegura integrasaun perspetiva jéneru iha dezenvolvinentu ba polítika no estratejia programa orsamentu Estadu tinan 2023.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!