HEADLINE, INTERNASIONÁL, LIFESTYLE

Autoridade promove tais Oé-Cusse iha karnavál aniversáriu sidade Kefamenanu

Autoridade promove tais Oé-Cusse iha karnavál aniversáriu sidade Kefamenanu

Autoridade Promove kultura produtu tais Oe-Cusse iha karnavál aniversáriu sidade Kefamenanu ba dékada ida. Imajen Tatoli/Abílio Elo Nini.

KEFAMENANU, 22 setembru 2022 (TATOLI) – Autoridade Rejiaun Administrativa Espesiál Oé-Cusse Ambeno (RAEOA), promove produtu tais iha karnavál kulturál komemorasaun loron aniversáriu tinan-100 sidade Kefamenanu, Timur Tengah Utara (TTU).

Hafoin remata karnavál kulturál ne’e, Sekretáriu Rejionál ba Asuntu Agrikultura, José Eta, orgullu tanba hatudu tais hu’udar kultura Oé-Cusse nian iha atividade karnavál ne’e, nune’e mós nia parte agradese ba Autoridade TTU tanba konvida Oé-Cusse partisipa iha komemorasaun aniversáriu Kefamenanu ba tinan 100.

“Atividade karnavál ne’e importante tebes, tanba ita haree no oberva populasaun barak mai hosi suku no aldeia to’o sub-rejiaun sira mai hatudu idak-idak nia kultura, tarian, dansa tradisionál, no tradisaun hosi grupu organizasaun arte-marsiál sira, entaun ita Oé-Cusse mós hola parte hodi hatudu ita kultura liuhosi hatais tais Oé-Cusse nian iha eventu karnavál ne’e,” José Eta, hatete, iha Kefamanu hafoin partisipa iha atividade karnavál ne’e.

Autoridade ne’e orgullu tanba prezensa Oé-Cusse iha komemorasaun aniversáriu tinan 100 ezisténsia sidade Kefamenanu mai ho atividade haat, dahuluk mak hanesan espozisaun hodi produtu RAEOA nian hanesan tua figus, xá figus, foos membramo, kafe kooperativa Lakufoan no tais Oé-Cusse nian.

Daruak, maka promove kultura Oé-Cusse liuhosi promosaun tais iha eventu karnavál, datoluk partisipa isar bandera iha ámbitu komemorasaun aniversáriu tinan 100 ezisténsia sidade Kefamenanu, no ikusliu realiza jogu amizade futeból salaun feto no mane hodi hametin relasaun amizade entre RAEOA ho TTU.

Aliende ida-ne’e mós, delegasaun RAEOA mós partisipa iha enseramentu komemorasaun aniversáriu tinan 100 sidade Kefamenanu, nune’e iha loron ikus delegasaun hala’o vizita ofisiál ba igreja Santo António de Padua Kefamenanu, inklui vizita universidade UNIMOR, realiza sorumutu ho estudante Oé-Cusse oan ne’ebé hala’o estudu iha eskola refere.

Iha diskursu abertura ne’e, Prezidente Autoridade TTU, Juandi David, informa, realiza atividade karnavál ne’e, ho objetivu atu promove identidade kulturál nu’udar tradisaun ida-ne’ebé bei-ala sira husik hela entaun presiza promove beibeik ba jerasaun foun sira.

“Karnavál ne’e realiza hodi hanoin loron moris sidade Kefamenanu nian ba tinan-100, tán ne’e husu bai ta hotu atu hatudu loloos ita-nia identidade liuhosi aprezentasaun produtu tais, nian nune’e bele promove liután ba jerasaun foun sira atu kontinua hametin ita-nia kultura iha TTU,” dehan Juandi David.

Lidér masimu TTU ne’e, orgullu tanba ba partisipasaun delegasaun Autoridade RAEOA, nian iha atividade karnavál ne’e, hodi hatudu no promove identidade nu’udar Atoni Oé-Cusse.

Jornalista: Abílio Elo Nini
Editora: Evaristo Soares Martins

iklan
iklan

Leave a Reply

iklan
error: Content is protected !!