iklan

EDUKASAUN, COVALIMA, HEADLINE, MUNISÍPIU

Estudante finalista ESGP harii gazebo 12 iha resintu eskola

Estudante finalista ESGP harii gazebo 12  iha resintu eskola

Diretór Eskola Sekundáriu Jerál Públiku Suai, Francelino Freitas Carvalho. Imajen TATOLI/Celestina Teles

COVALIMA 24 Setembro 2022 (TATOLI) – Estudante finalista tinan fiskál 2022, hosi eskola Sekundáriu Jerál Públiku (ESJP) Suai harii gazebo 12 sai  hanesan lembransa hodi  hafurak beleza iha  resintu eskola.

Diretór Eskola Sekundáriu Públiku Suai, Francelino Carvalho Freitas, hateten, estudante finalista sira harii gazebo unidade 12 ne’e, inisiativa hosi estudante sira hodi hafurak resintu eskola.

“Molok estudante sira halo pondok ne’e, estudante sira informa ba Gabineti no mos ba inan aman sira sei husik hela lembransa ba eskola nune’e sira harii pondok,” Francelino Carvalho Freitas, hato’o ba jornalista sira iha resintu eskola, sábadu ne’e.

Objetivu harii gazebo iha resintu eskola ne’e ho intensaun estudante finalista sira husik hela lembransa ba eskola ne’ebé idea sira-ne’e mai hosi estudante, hato’o ba inan aman no ba gabinete eskola

Atividade ne’ebé mak estudante sira hodi harii gazebo iha resintu eskola ne’e bazea rezultadu enkontru eskola ho inan aman bainhira distribui kaderneta ba estudante sira iha fulan kotuk.

Estudante finalista harii gazebo iha eskola ne’e estudante sira mak kontribui rasik osan kada estudante ida kontribui osan 0,50 hodi sosa materiál no fasilita hahan.

Ho inisiativa estudante ne’e diretór eskola agradese ba estudante finalista sira-nia ideia ne’ebé brillante hodi harii gazebo iha resintu eskola.

Estudante harii Gazebo nia  kakuluk falun ho du’ut no sasán ujadu, hanesan taxu parabola, rin halo ho besi no fondasi haforsa ho rai-henek kahur sumentu ne’ebé harii iha kada aula eskola.

Bazea ba  dadus hosi eskola fó-sai katak, estdante  finalista iha eskola Sekundáriu jeral publiku suai hamutuk  na’in-600 resin.

Jornalista   : Celestina Teles

Editor        : Evaristo Soares Martins

iklan
iklan

Leave a Reply

iklan
error: Content is protected !!