Servisu Agrikultura Munisípiu Covalima kolleta ona hare tonelada 9885.58
, 27 setembru 2022 (TATOLI)–Diretór Servisu Agrikultura Munisípiu Covalima Domingos Gusmão relata, daudaun ne’e servisu agrikultura munisípiu Covalima kolleta ona hare-kulit ne’ebé mak agrikultór sira hasa’e produsaun tonelada 9885.58.
“Atividade kuda hare hosi ita-nia agrikultór sira akompañia hosi estensionista tinan fiskál 2022 ne’e, ita prodús ona haree kulit bazea ba poténsialidade ne’ebé ita iha hamutuk tonelada 9885.58 iha munisípiu Covalima,” Domingos Gusmão informa ba Agência Tatoli iha nia kna’ar fatin, Tabakolot, tersa ne’e.
Dadus preliminária hirak ne’e mai hosi estensionista sira rekolla mai hosi postu administrativu Fatumea, Suai no Zumalai ho nia totál área potensiál 12.167, área kultivasaun 2069,35 produtividade 3.79 ho totál nia produsaun 9885.58.
Hosi dadus preliminária ne’e kada área ho nia kultivasaun kada postu administrativu diferensa hanesan iha postu administrativu Fatumea área potensiál 93 ho área kultivasaun 62, produtividade tolu (3) ho nia produsaun hamutuk 232.36
Iha postu administrative Suai iha área potensiál 3809, área kultivasaun 495.75, produtividade 3.90 ho nia produsaun hamutuk 2245.48.
Iha postu administrative Zumalai iha área potensiál 8265, área kultivasaun 15,116, produtividade 4.47 ho nia produsaun hamutuk 7407.74
“Ita halo komparasaun tinan ne’e ita bele dehan produsuan la aumenta no laiha mundansa signifikante tanba kauza hosi dezastre naturál ne’ebé foin lalais akontese inundasaun hodi fó impaktu ba produsaun hare ne’ebé balun kollete iha natar laran bee-lori hotu ba tasi,” nia hateten.
Aleende ne’e, nia informa dadus kona-ba produsaun hare kulit iha Covalima diretór mós informa kona-ba produsaun batar iha munisípiu Covalima ba tinan ne’e produsaun hamutuk toneleda 1360.17.
Dadus produsaun batar iha munisípiu Cvalima hanesan, postu Fatululik área potensiál 746, área kultivasaun 167.63, produtividade tonelada 248.09, Fatumea área potensiál 1845, área kultivasaun 221.00, produtividade 2.31 produsaun tonelada 510.51.
Iha postu Fohorem área potensiál 1211, área kultivasaun 345.28, produtividade 2.51 ho produsaun tonelada 866.65.
Iha postu administrativu Maucatar iha área potensiál 3353, área kultivasaun 1741.00, produtivdade 1.86 ho produsaun tonelada 2338.26.
Iha postu administrative Tilomar iha área potensiál 1576, área kultivasaun 282.75, produtividade 2.47 ho produsaun tonelada 698.39.
Iha postu administrativu Suai iha área potensiál 2894, área kultivasaun 1003.00, produtividade 3.43 ho produsaun tonelada 3440.29 no iha postu Zumalai ne’e iha área potensiál 10663, área kultivasaun 539.75, produtivdade 2.52 ho produsaun tonelada 1360.17.
Jornalista : Celestina Teles
Editór : Cancio Ximenes
