iklan

EKONOMIA, COVALIMA, POLÍTIKA

Servisu Agrikultura Munisípiu seidauk rekola dadus produsaun fore-mungu iha Covalima

Servisu Agrikultura Munisípiu seidauk rekola dadus produsaun fore-mungu iha Covalima

Diretòr Servisu Agrikultura Munisípiu Covalima, Domingos Gusmão. Imajen Tatoli/Celestina Teles.

COVALIMA, 27 setembru 2022 (TATOLI)–Servisu Agrikultura Munisípiu  (SAM) Covalima seidauk rekola dadus produsaun fore-mungu tinan fiskál 2022 iha munisípiu Covalima, tanba daudaun ne’e agrikultór sira sei kloleta fore-mungu.

“Produsaun fore-mungu ita seidauk iha dadus, tanba agora sei iha prosesu kolleta balun hotu ona maibé estensionista sira sei rekolla dadus hodi halo analiza, nune’e dadus tuir kondisaun real iha baze,” Diretór Servisu Agrikultura Covalima, Domingos Gusmão, hateten ba Agência Tatoli, iha nia kna’ar fatin, Tabakolot, tersa ne’e.

Tanba molok komunidade atu kuda fore-mungu ne’e, Servisu Agrikultura Covalima mós distribui fini fore-mungu tonelada haat (4) ba komunidade atu hasa’e produsaun fore-mungu iha munisípiu Covalima.

Ho nune’e maki servisu agrikultura distribui fini fore-mungu tonelada haat (4) ba komunidade ne’e, haree tuir área potensiál hanesan iha postu administrative Suai diferensaa ho postu sira seluk, maske iha potensiál atu kuda hanesan iha postu Tilomar, Zumalai no postu sira seluk.

“Maske ita distribui fini maibé atu hasa’e produsaun tenke haree mós kondisaun mak bele fó influénsia. Ita hatene udan been ka mikro klima, temperatura fó influénsia tebes ba produtu hotu,” nia dehan.

Tanba atu hasa’e produsaun iha rai-laran tenke liuhosi prosesu hanesan tenke halo tuir atividade lubuk ida ho loloos, se la halo tuir sei fó influénsia ba produsaun tenke kria kondisaun fatin atu kuda no temperatura ka udan-been.

Hafoin ne’e, komunidade hasa’e produsaun hodi kolleta fore-mungu hanesan iha tinan kotuk kompañia balun sosa programa Governu ne’ebé distribui cesta bázika ba komunidade no merenda eskolár.

Jornalista   : Celestina Teles

Editór        : Cancio Ximenes

iklan
iklan

Leave a Reply

iklan
error: Content is protected !!