iklan

NASIONÁL, KAPITÁL

Tinan 2023, DNTT sei konstrui “Halte’ foun 64 iha kapitál

Tinan 2023, DNTT sei konstrui “Halte’ foun 64 iha kapitál

Halte. Foto/Google.

DILI, 27 setembru 2022 (TATOLI)—Diretór Dirasaun Nasionál Transporte no Terrestre (DNTT), António da Costa, informa tuir plánu iha tinan 2023 ne’e DNTT sei konstrui Parajen ba Transporte Públiku (halte) foun hamutuk 64 iha kapitál dili.

“Ami iha ona orientasaun hosi Ministériu oinsa halo planu atu konstrui “halte” foun hamutuk 64. Ida-ne’e, ami-nia planu la’ós ba tinan agora maibé sei ba tinan 2023 mak ami foin bele realiza,” António da Costa hateten ba Agência Tatoli iha nia kna’ar fatin, Díli, tersa ne’e.

Kona-ba parajen ba transporte públiku iha kapitál Dili ne’ebé aat no la utiliza ne’e, nia hatán, asuntu ne’e depende ba planu ne’ebé atu halo halte foun 64 iha 2023 maibé se reabilita DNTT sei reabilita.

“Halte sira-ne’ebé daudaun avaria ne’e depende ba planu ne’ebé orsida ami sei realiza. Tanba ami sei haree ida-ne’ebé ami bele reabilita, ami sei reabilita no ida-ne’ebé ami halo konstrusaun foun ami sei halo konstrusaun foun,” nia esplika.

Husu kona-ba orsamentu hira mak DNTT prevee atu konstrui “halte” foun 64 ne’e, Diretór DNTT ne’e seidauk bele fó komentáriu ba asuntu refere.

Jornalista : Nelia Fernandes

Editór      : Cancio Ximenes

iklan
iklan

Leave a Reply

iklan
error: Content is protected !!