iklan

JUSTISA, COVALIMA, POLÍTIKA

Xefi suku Taroman husu rejistu notariadu fasilita idozu hasai BI iha postu

Xefi suku Taroman husu rejistu notariadu fasilita idozu hasai BI iha postu

Xefe suku Taroman, Leonel Asa, hamrik iha adminisdór postu Suai nia kotuk. Imajen Yatoli/Celestina Teles.

COVALIMA, 29 setembro 2022 (TATOLI)–Xefe Suku Taroman, Leonel Asa, husu ba diretór servisu konservatóriu Rejistu no Notariadu Covalima atu fasilita idozu no invalidéz sira hasai billete  identidade iha postu administrativu sira iha munisipiu Covalima.

Razaun atu fasilita idozu sira tanba bazea kritériu hosi Governu bainhira idozu sira benefisiariu ba subsídiu idozu sira bele asesu sira-nia direitu, tanba idozu sira-ne’e balun idade adultu loos ona hosi suku labele viajen mai iha vila atu trata BI

“Ha’u hakarak hato’o komunidade nia preokupasaun ba futuru notariadu kria planu ba iha suku no sldeia, atu nune’e fasilita idozu sira trata BI tanba  tuir kritériu hosi Ministériu Solidariedade Sosial no Inkluzaun  (MSSI) fó sai ne’e benefisiáriu sira tenke iha BI,” Leonel Asa hatetetn preokupasaun ne’e, iha Salaun AMC, Sukaer Laran, kinta ne’e.

Diretór servisu Munisipál Notariadu no Servisu Kadastrál Covalima, Armindo Monteiro, klarifika katak servisu Notariadu iha planu atu kobre to’o iha iha postu administrative maibé menus ekipamentu sira hanesan menus rekursu umanu no laiha transporte.

“Atu kobre ba to’o iha postu administrativu no suku kestaun mak menus ekipamentu hanesan rekursu umanu, laiha tranaporte ho nune’e halo ami labele to’o iha suku sira. Bainhira ekipamentu iha ona, ami bele to’o iha suku hodi halo atendimentu ba idozu no invalidéz sira,” nia hateten.

Jornalista   : Celestina Teles

Editór        : Cancio Ximenes

iklan
iklan

Leave a Reply

iklan
error: Content is protected !!