DILI, 30 setembru 2022 (TATOLI) – Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, hateten empreza no traballadór sira rejistu iha INSS rihun 11-resin.
“Husi ida-ne’e, 45% mai hosi Polísia Nasionál Timor-Leste (PNTL) no FALINTIL-Forsa Defeza Timor-Leste (FDTL) no restu mai husi empreza privada sira”, Prezidente INSS, hateten ba Ajénsia Tatoli, iha nia knaar fatin Caicoli, Dili, sesta ne’e.
Nia hateten empreza boot inklui empresa kiik ne’ebé mak rejistu ona iha INSS kuaze rihu-neen.
“Se ita haree ba empreza sira-ne’ebé mak rejistu iha INSS kuaze 6.000, maibé inklui ho empreza kiik sira iha Timor-Leste”, nia dehan.
Aleinde ne’e INSS mós rejistu ona fakultativu ka kioeske privadu maizumenus rihun rua-resin.
“Ita-nia traballadór timoroan ne’ebé mak serbisu hamutuk ho empreza Xina sira kuaze rejistu hotu ona”, konklui.
Jornalista : Osória Marques
Editór : Zezito Silva
