COVALIMA, 30 setembru 2022 (TATOLI) – Administradór Munisípiu Covalima, Francisco de Andade husu funsionáriu sira hodi partisipa formasaun oinsa utiliza komputadór no internet baziku hodi hasa’e sira ninia kuñesementu .
“Ha’u hasai ona sirkular kada funsionáriu sira hotu iha dever atu tuir formasaun ida-ne’e. Tanba, parte ida husi kapasitasaun ba funsionáriu hodi hasa’e sira-ninia kuñesementu iha área komputadór,” Francisco dehan ba jornalista sira,iha nia kna’ar fatin ,Sukaer-laran, sesta ne’e.
Nia dehan, funionáriu hirak ne’ebé tuir formasaun bainhira autoridade Covalima halo negosiasaun ho Centru Comunidade Covalima (CCC) liuhosi hasa’e funsionáriu sira nia kuñesementu liuhosi komputadór liu-liu iha programa word, excel no internet bázika.
Ho nune’e Administradór ne’e kria ona estratéjia bainhira treinu diretór munisipal sira aprezenta planu no programa liuhosi power point.
“Relasiona ita-boot nia preokupasaun dehan menus rekursu mak, obrigatoriu tenke tuir formasaun tanba ne’e ha’u mós kria ona estratejia oinsa direitor municipal sira treinu aprezenta programa liuhosi power point,” nia informa.
Antes ne’e, Diretór Jestaun Merkadu no Turizmu Covalima (SJMTC), Vitorino do Carmo, husu ba Administradór Munisípiu Covalima Francisco de Andrade husu atu bele kapasita ofisiál finansas iha Jestaun Merkadu no Turizmu.
Jornalista : Celestina Teles
Editór : Armandina Moniz
